ബ്രേക്കിംഗ്: കസ്റ്റമേഴ്സിന് കൊറോണ ബാധ, മൂന്നു പബ്ബുകള്‍ അടച്ചിട്ടു ; പബ്ബുകള്‍ തുറക്കാനുള്ള ബ്രിട്ടീഷ് സര്‍ക്കാര്‍ നടപടി വിവാദത്തിലേക്ക് !

ലണ്ടന്‍: പബ്ബ് കസ്റ്റമര്‍മാര്‍ക്കിടയില്‍ കൊറോണ ബാധ സ്ഥിരീകരിച്ചതിനെ തുടര്‍ന്ന് യുകെയില്‍ മൂന്ന് പബ്ബുകള്‍ അടച്ചിട്ടു. കഴിഞ്ഞ ശനിയാഴ്ച്ചയാണ് പബ്ബുകള്‍ തുറക്കാന്‍ സര്‍ക്കാന്‍ അനുമതി നല്‍കിയത്. പോലിസ് ഫോഴ്സ് അടക്കം പല കോണുകളില്‍ നിന്നും ഈ തീരുമാനത്തിനെതിരെ വിമര്‍ശനങ്ങള്‍ ഉയര്‍ന്നിരുന്നു.

“ചില കസ്റ്റമര്‍മാര്‍ക്ക് കൊറോണ ബാധ സ്ഥിരീകരിച്ചതിനെ തുടര്‍ന്ന് തങ്ങള്‍ പബ്ബ് അടച്ചിടാന്‍ തീരുമാനിച്ചിരിക്കുകയാണ്. തങ്ങളുടെ എല്ലാ സ്റ്റാഫിനെയും ടെസ്റ്റ്‌ ചെയ്യാന്‍ നടപടികള്‍ സ്വീകരിച്ചിട്ടുണ്ട്”. സോമര്‍സെറ്റിലെ ലൈറ്റ് ഹൌസ് പബ്ബ് തങ്ങളുടെ ഫേസ്ബുക്കിലൂടെ അറിയിച്ചു. പബ്ബ് സന്ദര്‍ശിച്ച 90 പേരെയും ബന്ധപ്പെട്ട് കൊറോണ ബാധയെ കുറിച്ച് മുന്നറിയിപ്പ് നല്‍കിയിട്ടുണ്ടെന്നും പബ്ബ് മാനേജ്‌മന്റ്‌ അറിയിച്ചു.

യോര്‍ക്ക്‌ ഷെയറിലെയും ഹാം ഷെയറിലെയും ഓരോ പബ്ബുകളില്‍ നിന്നാണ് മറ്റു കസ്റ്റമേഴ്സിന് കൊറോണ ബാധയേറ്റത്. ആയിരക്കണക്കിനാളുകള്‍ ആണ് ഏതാനും ദിവസങ്ങളിലായി പബ്ബുകളില്‍ ഒത്തുകൂടിയത്. മദ്യപാനികള്‍ക്ക് സോഷ്യല്‍ ഡിസ്റ്റന്‍സിംഗ് പാലിക്കാന്‍ കഴിയില്ലയെന്ന് പോലിസ് ഫെഡറേഷന്‍ പ്രസിഡന്റ്റ് ജോണ്‍ ആപ്ട്ടര്‍ കഴിഞ്ഞ ദിവസം പ്രസ്താവിച്ചിരുന്നു.

Next Post

ലണ്ടനില്‍ വീടുകള്‍ക്ക് മുകളിലേക്ക് ക്രയിന്‍ തകര്‍ന്നു വീണു; ഒരു മരണം, കൂടുതല്‍ പേര്‍ വീടുകള്‍ക്കിടയില്‍ ഇപ്പോഴും കുടുങ്ങിക്കിടക്കുന്നു !

Wed Jul 8 , 2020
ലണ്ടന്‍ : ഈസ്റ്റ് ലണ്ടനിലെ ബോവില്‍ നിര്‍മാണ പ്രവര്‍ത്തങ്ങളില്‍ ഏര്‍പ്പെട്ടിരുന്ന ക്രയിന്‍ വീടുകള്‍ക്ക് മുകളിലേക്ക് തകര്‍ന്നു വീണ് ഒരാള്‍ മരിച്ചു. കൂടുതല്‍ പേര്‍ ഇപ്പോഴും വീടുകള്‍ക്കിടയില്‍ കുടുങ്ങിക്കിടക്കുന്നുണ്ട്. ആഘാതത്തില്‍ രണ്ടു വീടുകള്‍ പൂര്‍ണമായും തകര്‍ന്നു. ബുധനാഴ്ച ഉച്ചക്ക് രണ്ടരയോടെയാണ് അപകടം. വീടുകള്‍ക്കുള്ളില്‍ കുടുങ്ങി കിടക്കുന്നവരെ കണ്ടെത്താല്‍ ഫയര്‍ ഫോഴ്സ് ഇപ്പോഴും ശ്രമം തുടരുകയാണ്. നാല് പേര്‍ക്ക് മാരകമായ പരിക്കെറ്റിട്ടുണ്ട്. ഒരാളെ ഇത് വരെ കണ്ടെത്താന്‍ കഴിഞ്ഞിട്ടില്ല. കൂടുതല്‍ ആളുകള്‍ അകപ്പെട്ടിട്ടുണ്ടോയെന്നു […]

You May Like

Breaking News

error: Content is protected !!