യുകെ: വിന്‍റ്ററിലെ രണ്ടാം ഘട്ട കൊറോണ ബാധ ഭയാനകമായിരിക്കുമെന്ന് ശാസ്ത്രഞ്ജര്‍; മരണം 120,000 കവിഞ്ഞേക്കും !

Spanish Flue 1918-20

ലണ്ടന്‍: യുകെയില്‍ അടുത്ത വിന്‍റ്ററില്‍ വരാനിരിക്കുന്ന കൊറോണ ബാധ ഭയാനകമായിരിക്കുമെന്ന് ശാസ്ത്രഞ്ജര്‍. അടുത്ത ആറാഴ്ച കൊറോണ ബാധയെ സംബന്ധിച്ച് വളരെ നിര്‍ണായകമാണ്. ഈ കാലയളവില്‍ കൊറോണ വ്യാപനം തടയാന്‍ അനിവാര്യമായ നടപടികള്‍ സ്വീകരിക്കണമെന്ന് ഗവേഷകര്‍ സര്‍ക്കാരിനോട് നിര്‍ദേശിച്ചു. ‘അക്കാഡമി ഓഫ് മെഡിക്കല്‍ സയന്‍സി’ലെ 37 ഗവേഷകരാണ് ഇത് സംബന്ധമായ പഠനം നടത്തിയത്.

രണ്ടാം ഘട്ട കൊറോണ ബാധ ഒന്നാം ഘട്ടത്തെക്കാള്‍ വിനാശകരമായിരിക്കും. 120,000 മരണം വരെ ഈ ഘട്ടത്തില്‍ സംഭവിക്കാം. അടുത്ത സെപ്റ്റംബര്‍ മുതല്‍ ജൂണ്‍ വരെയുള്ള കാലയളവിലാണ് ഈ മരണം സംഭവിക്കുക. ജനുവരി- ഫെബ്രുവരി മാസങ്ങളില്‍ രണ്ടാം ഘട്ടം പീക്കിലെത്തും സെപ്റ്റംബര്‍ മുതല്‍ R വാല്യു 1.7 ആയി ഉയരും. സര്‍ക്കാരിന്റെ കണക്കു പ്രകാരം കഴിഞ്ഞ തിങ്കളാഴ്ച വരെ മരണ സംഖ്യ 44,830 ആണ്. ജനുവരി 31നാണ് ആദ്യത്തെ കൊറോണ ബാധ യുകെയില്‍ റിപ്പോര്‍ട്ട് ചെയ്തത്.

എന്നാല്‍ ബ്രിട്ടീഷ് സര്‍ക്കാര്‍ കഴിഞ്ഞ ഏതാനും ദിവസങ്ങളില്‍ എടുത്തിരിക്കുന്ന നിയന്ത്രണങ്ങള്‍ ഈ പഠനം കണക്കിലെടുത്തിട്ടില്ല. ഷോപ്പുകളില്‍ നിര്‍ബന്ധമായും ഫേസ് മാസ്ക് ധരിക്കണമെന്ന് സര്‍ക്കാര്‍ ഇന്നലെ ഉത്തരവ് ഇറക്കിയിരുന്നു. ഫേസ് മാസ്ക് ധരിക്കാത്തവര്‍ക്ക് 100 പൌണ്ട് വരെ പിഴാ ഈടാക്കും. ഈ മാതൃകയില്‍ പൊതു സ്ഥലങ്ങളിലെല്ലാം ഫേസ് മാസ്ക് ധരിക്കാന്‍ നിയമ നിര്‍മാണം നടത്തുന്നതിനെ കുറിച്ച് സര്‍ക്കാര്‍ ആലോചിക്കുന്നുണ്ടെന്ന് തിങ്കളാഴ്ച പ്രധാനമന്ത്രി ബോറിസ് ജോണ്‍സണ്‍ പ്രസ്താവിച്ചിരുന്നു. പുറമേ കൊറോണ ബാധ രൂക്ഷമാകുന്ന നഗരങ്ങളില്‍ ലോക്കല്‍ ലോക്ക് ഡൌണ്‍ ഇപ്പോള്‍ നിലവിലുണ്ട്. 1918-20 കാലത്തെ സ്പാനിഷ് ഫ്ലൂ സമയത്ത്, സെക്കന്ഡ് വേവില്‍ ഒന്നാം ഘട്ടത്തെക്കള്‍ നാലിരട്ടിയോളം മരണം ആണ് റിപ്പോര്‍ട്ട് ചെയ്യപ്പെട്ടത്.

Next Post

കോവിഡ് കാലത്തും അഷ് ഗാൽ നിർമാണ പ്രവർത്തികൾ സജീവം

Thu Jul 16 , 2020
ദോഹ:കോവിഡ്-19 കാലത്തും പൊതുമരാമത്ത് വകുപ്പിന്റെ (അഷ്ഗാല്‍) നിര്‍മാണ പ്രവൃത്തികള്‍ സജീവം. മാര്‍ച്ച്‌ മുതല്‍ ഇതുവരെ ഗതാഗതത്തിനായി തുറന്നത് പത്തിലധികം റോഡുകളും സ്ട്രീറ്റുകളും ഇന്റര്‍സെക്‌ഷനുകളും. ജീവനക്കാര്‍ക്കും തൊഴിലാളികള്‍ക്കും ആവശ്യമായ കോവിഡ്-19 മുന്‍കരുതല്‍ നടപടികളും പ്രതിരോധ മാര്‍ഗങ്ങളും ഉറപ്പാക്കിക്കൊണ്ടാണ് അഷ്ഗാലിന്റെ റോഡ്, അടിസ്ഥാന സൗകര്യ വികസന ജോലികള്‍ രാജ്യത്ത് പുരോഗമിക്കുന്നത് ലോകകപ്പുമായി ബന്ധപ്പെട്ട അടിസ്ഥാന സൗകര്യ നിര്‍മാണ ജോലികളും അതിവേഗ പാതയിലാണ്.കൂടാതെ പബ്ലിക് പാര്‍ക്കുകളുടെ നവീകരണവും ആശുപത്രികളുടെ നിര്‍മാണങ്ങളുമെല്ലാം നടക്കുന്നുണ്ട്

Breaking News

error: Content is protected !!