റിയാദ്: സൗദി അറേബ്യയില്‍ പൊതുസ്ഥലങ്ങളില്‍ കോവിഡിെന്‍റ ഭാഗമായി ഏര്‍പ്പെടുത്തിയ പുകവലി നിരോധനം പിന്‍വലിച്ചിട്ടില്ലെന്ന് ആരോഗ്യ മന്ത്രാലയം. കോഫി ഹൗസുകള്‍, കഫറ്റീരിയ, ഹോട്ടലുകള്‍ എന്നിവിടങ്ങളിലും നിരോധനം ബാധകമാണ്. ലോകാരോഗ്യ സംഘടനയുടെ നിര്‍ദേശപ്രകാരമാണ് ഉത്തരവ് സൗദി നടപ്പാക്കിയത്. സൗദികള്‍ക്കിടയില്‍ സജീവമാണ് ശീഷ ഉപയോഗിച്ചുള്ള പുകവലി.
പുകവലി സ്ത്രീപുരുഷ ഭേദമന്യേയുമുണ്ട്. ഈ സാഹചര്യത്തില്‍ കഴിഞ്ഞ വര്‍ഷം മാര്‍ച്ചില്‍ സൗദി ആരോഗ്യ മന്ത്രാലയം ലോകാരോഗ്യ സംഘടനയുടെ നിര്‍ദേശപ്രകാരം ഉത്തരവിറക്കിയിരുന്നു.
കോവിഡ് സാഹചര്യത്തില്‍ പൊതുസ്ഥലത്തെ പുകവലി നിരോധിച്ചുകൊണ്ടായിരുന്നു ഉത്തരവ്. ശീഷക്കും ഇതില്‍ പൊതുസ്ഥലത്ത് നിരോധനം വന്നു. കോവിഡ് പടരുന്നതിന് കാരണമാകുമെന്നു ചൂണ്ടിക്കാട്ടിയായിരുന്നു ഉത്തരവ്. അതിപ്പോഴും നിലനില്‍ക്കുന്നതായി ആരോഗ്യ മന്ത്രാലയം ചൂണ്ടിക്കാട്ടി.
കോഫി ഹൗസുകള്‍, കഫറ്റീരിയ, ഹോട്ടലുകള്‍ എന്നിവിടങ്ങളിലും നിരോധനം ബാധകമാണ്. ലംഘിച്ചാല്‍ കോവിഡ് പ്രോട്ടോകോള്‍ ലംഘിച്ചതിനാകും സ്ഥാപനങ്ങള്‍ക്ക് പിഴ ലഭിക്കുക. വ്യക്തികള്‍ക്കും നിയമം ലംഘിച്ചാല്‍ പിഴയീടാക്കും.
