യുകെ:​ ലോക്​ഡൗണിലായ ലണ്ടനെ ഞെട്ടിച്ച്‌​ നഗ്​നനായി യുവാവി​ന്റെ ‘നഗരപര്യടനം’

ലണ്ടന്‍: കോവിഡി​െന്‍റ രണ്ടാംവരവില്‍ എല്ലാം പിഴച്ച്‌​ ​വീണ്ടും ലോക്​ഡൗണിലമര്‍ന്ന ലണ്ടന്‍ നഗരവാസികളെ ഞെട്ടിച്ച്‌​ യുവാവി​െന്‍റ നഗ്​നത പ്രദര്‍ശനം. അവധി ദിനത്തിലും ജനം വീട്ടില്‍ കഴിയാന്‍ നിര്‍ബന്ധിതരായ കഴിഞ്ഞ ഞായറാഴ്​ചയാണ്​ കൗതുകവും ഞെട്ടലും പകര്‍ന്ന്​ യുവാവി​െന്‍റ നഗരപ്രദക്ഷിണം.

ചുറ്റുമുള്ളവര്‍ നോക്കിയിട്ടും ഒട്ടും കൂസാതെ നടന്നുനീങ്ങിയ യുവാവിനോട്​ എന്തിന്​ നഗ്​നത കാട്ടുന്നുവെന്ന ചോദ്യത്തിന്​ ‘അലക്കാന്‍ അഴിച്ചുവെച്ചു’വെന്നായിരുന്നു പ്രതികരണം. ബ്ലൂസ്​ബറി സ്​ക്വയര്‍ ഗാര്‍ഡന്‍സ്​ പരിസരത്ത്​ ആദ്യം കണ്ട ഇയാള്‍ പിന്നീട്​ ബ്രിട്ടീഷ്​ മ്യൂസിയം പരിസരത്തും ഓടിനടന്നതായും റിപ്പോര്‍ട്ടുകള്‍ പറയുന്നു.

നാട്ടുകാരില്‍ ആരോ അറിയിച്ചതനുസരിച്ച്‌​ പൊലീസ്​ സ്​ഥലത്തെത്തിയെങ്കിലും അപകടം മണത്ത്​ ഇയാള്‍ ഓടി രക്ഷപ്പെട്ടു. വീണ്ടും വരാമെന്ന സംശയത്തില്‍ പൊലീസ്​ പട്രോളിങ്​ നടത്തിയെങ്കിലും ഇയാളെ കുറിച്ച് കൂടുതൽ വിവരങ്ങൾ ലഭിച്ചില്ലെന്നാണ്​ സൂചന. ഇയാളെ കുറിച്ച്‌​ പരാതികള്‍ ലഭിച്ചതായി ​പൊലീസും സ്​ഥിരീകരിച്ചു.

ആഴ്​ചകളായി രണ്ടാമതും നിയന്ത്രണം കടുത്ത ബ്രിട്ടനില്‍ സാധാരണ ജീവിതം തടസ്സപ്പെട്ട നിലയിലാണ്​. റസ്​റ്റൊറന്‍റുകള്‍ ഉള്‍പെടെ മാര്‍ച്ച്‌​ അവസാനം വരെ അടച്ചിടാനാണ്​ നിലവിലെ തീരുമാനം. ഇത്​ മേയ്​ വരെ നീട്ടണമെന്ന്​ കഴിഞ്ഞ ദിവസം ശാസ്​ത്രജ്​ഞര്‍ മുന്നറിയിപ്പ്​ നല്‍കിയിരുന്നു. ഇതിനിടെയാണ്​ നാട്ടുകാരെ ഞെട്ടിച്ചും ചിലര്‍ക്ക്​ കോവിഡ്​ വികൃതിയായും തോന്നിയ നഗ്​നത പ്ര​ദര്‍ശനം.

Next Post

നക്സൽ വർഗീസ് വധം; ബന്ധുക്കള്‍ക്ക് 50 ലക്ഷം നഷ്ടപരിഹാരം, സര്‍ക്കാര്‍ പരിഗണിക്കും

Fri Jan 29 , 2021
ആവശ്യം അനുഭാവപൂർവ്വം പരിഗണിക്കാമെന്ന് സർക്കാർ ഹൈക്കോടതിയെ അറിയിച്ചു. നക്സല്‍ വര്‍ഗീസ് വധത്തില്‍ നഷ്ടപരിഹാരം ആവശ്യപ്പെട്ടു ബന്ധുക്കള്‍ നല്‍കിയ ഹരജി തീര്‍പ്പാക്കി. 50 ലക്ഷം രൂപ നഷ്​ടപരിഹാരം നൽകണമെന്നാവശ്യപ്പെട്ട് വർഗീസിന്‍റെ സഹോദരൻ എ. തോമസടക്കമുള്ളവർ നൽകിയ ഹരജിയാണ് തീര്‍പ്പാക്കിയത്. ആവശ്യം അനുഭാവപൂർവ്വം പരിഗണിക്കാമെന്ന് സർക്കാർ ഹൈക്കോടതിയെ അറിയിച്ചതോടെ ഹർജിക്കാരോട് സർക്കാറിനു മുന്നിൽ രണ്ടാഴ്ചക്കകം ഉചിതമായ അപേക്ഷ സമർപ്പിക്കാനും അതില്‍ മൂന്നാഴ്ചയ്ക്കകം തീരുമാനം എടുക്കാനും കോടതി നിർദ്ദേശം നല്‍കി. വർഗീസിനെ സ്​റ്റേഷനിൽ വെച്ച്​ […]

Breaking News

error: Content is protected !!