ദുബൈ: ഫോബ്സ് പുറത്തിറക്കിയ അതിസമ്ബന്നരുടെ പട്ടികയില്‍ ഒന്നാം സ്ഥാനത്ത് ലുലു ഗ്രൂപ്പ് ചെയര്‍മാന്‍ എം.എ. യൂസുഫലി. 480 കോടി ഡോളറിെന്‍റ (35,600 കോടി രൂപ) ആസ്തിയുള്ള യൂസുഫലിക്ക് ദേശീയ തലത്തില്‍ 26ാം സ്ഥാനവും ആഗോളതലത്തില്‍ 589ാം സ്ഥാനവുമുണ്ട്. ഗള്‍ഫ് രാജ്യങ്ങളിലെ അതിസമ്ബന്നനായ ഇന്ത്യക്കാരനും യൂസുഫലിയാണ്. പട്ടികയില്‍ 10 മലയാളികള്‍ ഇടംപിടിച്ചു.
330 കോടി ഡോളര്‍ ആസ്തിയോടെ ഇന്‍ഫോസിസ് സഹസ്ഥാപകന്‍ സേനാപതി ഗോപാലകൃഷ്ണനാണ് പട്ടികയിലെ രണ്ടാമത്തെ അതിസമ്ബന്നനായ മലയാളി. രവി പിള്ള, ബൈജു രവീന്ദ്രന്‍ (250 കോടി ഡോളര്‍ വീതം), എസ്.ഡി. ഷിബുലാല്‍ (190 കോടി ഡോളര്‍), സണ്ണി വര്‍ക്കി (140 കോടി ഡോളര്‍), ജോര്‍ജ്ജ് അലക്സാണ്ടര്‍ മുത്തൂറ്റ്, ജോര്‍ജ്ജ് ജേക്കബ് മുത്തൂറ്റ്, ജോര്‍ജ്ജ് തോമസ് മുത്തൂറ്റ് (130 കോടി ഡോളര്‍ വീതം), ടി.എസ്. കല്യാണരാമന്‍ (100 കോടി ഡോളര്‍) എന്നിവരാണ് പട്ടികയിലുള്ള മറ്റ് മലയാളികള്‍.
റിലയന്‍സ് ഗ്രൂപ്പ് ചെയര്‍മാന്‍ മുകേഷ് അംബാനിയാണ് ഏറ്റവും സമ്ബന്നനായ ഇന്ത്യക്കാരന്‍. 8450 കോടി ഡോളറിെന്‍റ ആസ്തി. ആഗോളതലത്തില്‍ ആദ്യ പത്തിലെത്താനും അംബാനിക്ക് കഴിഞ്ഞു. 5000 കോടി ഡോളര്‍ ആസ്തിയുമായി അദാനി ഗ്രൂപ്പ് ഉടമ ഗൗതം അദാനിയാണ് രണ്ടാമത്. ആമസോണ്‍ സ്ഥാപകന്‍ ജെഫ് ബെസോസാണ് ലോകത്തിലെ ഏറ്റവും അതിസമ്ബന്നന്‍ (17,770 കോടി ഡോളര്‍ ആസ്തി).
