മസ്‌കറ്റ്: ഒമാനില്‍ വര്‍ധിച്ചുവരുന്ന കൊറോണ വൈറസ് കേസുകളുടെ സാഹചര്യത്തില്‍ ഏപ്രില്‍ 8 മുതല്‍ പൗരന്മാര്‍ക്കും സ്ഥിരതാമസ വിസ ഉടമകള്‍ക്കും മാത്രമായി രാജ്യത്തേക്കുള്ള പ്രവേശനം സുപ്രീം കമ്മിറ്റി പരിമിതപ്പെടുത്തിയിരുന്നു. എന്നാല്‍ അതേസമയം ഇതിനകം ഒമാനിലേക്ക് വിസ നേടിയ വിദേശികള്‍ക്കും രാജ്യത്തേക്ക് പ്രവേശിക്കാന്‍ അനുവാദമുണ്ടെന്ന് റോയല്‍ ഒമാന്‍ പൊലീസ് (ആര്‍ഒപി) അറിയിക്കുകയുണ്ടായി.
കുവൈത്തില്‍ ഇന്ന് മുതല്‍ കര്‍ഫ്യൂ സമയത്തില്‍ മാറ്റം.രാത്രി ഏഴുമുതല്‍ പുലര്‍ച്ചെ അഞ്ചുവരെയാണ് പുതുക്കിയ സമയം. റെസിഡന്‍ഷ്യല്‍ ഏരിയകളില്‍ രാത്രി പത്തുവരെ നടക്കാന്‍ അനുമതിയുണ്ടാകും. സൈക്കിള്‍ ഉള്‍പ്പെടെ വാഹനങ്ങള്‍ കര്‍ഫ്യൂ സമയത്ത് ഉപയോഗിക്കാന്‍ പാടില്ല. സ്വന്തം റെസിഡന്‍ഷ്യല്‍ ഏരിയക്ക് പുറത്തുപോകാനും പാടില്ല. സഹകരണ സംഘങ്ങളില്‍ രാത്രി ഏഴിനും 12നും ഇടയിലുള്ള സമയത്തേക്ക് ഷോപ്പിങ് അപ്പോയന്‍റ്മെന്‍റ് നല്‍കും. ഇതുവരെയുള്ള പ്രഖ്യാപന പ്രകാരം ഏപ്രില്‍ 22 വരെയാണ് കര്‍ഫ്യൂ പ്രാബല്യത്തിലുണ്ടാകുക.
