‘ഡാൻസ് ജിഹാദും’ വെറുപ്പിന്റെ മൗലിക വാദ രാഷ്ട്രീയവും !

-അഡ്വ.ടി.പി.എ.നസീർ-

ഡാൻസ് ജിഹാദ്, മെഡിക്കൽ ജിഹാദ് , ലൗ ജിഹാദ് നമുക്കിടയിലെ ജിഹാദികളുടെ എണ്ണം നാൾക്കുനാൾ വർദ്ധിച്ചുവരികയാണ്! ജിഹാദ് എന്ന പദം വെറുപ്പിൻ്റേയും വേർതിരിവിൻ്റേയും ഭാഷയായി പരിണമിക്കുമ്പോൾ എന്തിലും ഏതിലും മതം തിരയുന്നവർക്ക് ജിഹാദ് എന്ന വാക്ക് ഇന്ന് ഒരാഘോഷമായി മാറുകയാണ്… ദൈവമാർഗഗത്തിൽ യുദ്ധം ചെയ്യുന്നതു മുതൽ വഴിയിലെ തടസ്സം ഒഴിവാക്കുന്നത് വരെ ജിഹാദിൻ്റെ അർത്ഥ വ്യാപ്തിയിൽ ഉൾപ്പെടുമ്പോൾ മുസ്ലിം ഡോക്ടർ കുറിച്ച് കൊടുക്കുന്ന മരുന്നിൽ മതം തിരയുന്നവർക്ക് അതൊരു മെഡിക്കൽ ജിഹാദും ഒരുമിച്ച് പാട്ട് പാടുമ്പോൾ അപ്പുറത്ത് മുസ്ലിമാണങ്കിൽ മ്യൂസിക് ജിഹാദുമായി മാറുന്ന കാലം! നമ്മൾ വീണ്ടും ഭ്രാന്താലയത്തിലകപ്പെടുകയാണോ? രാഷ്ട്രീയ ലക്ഷ്യങ്ങൾക്കായി മതം തിരഞ്ഞ് തിരഞ്ഞ് മതം തിരിച്ച് ചരമ കോളത്തിലെ എണ്ണമെടുക്കാൻ പാകത്തിൽ നമ്മൾ എന്നാണ് ഇത്ര വൃത്തികെട്ടവരായി മാറിയത്? നമ്മൾ മിണ്ടുന്നതും പറയുന്നതും മതം നോക്കി വേണമെന്ന് ശാഠ്യം പിടിക്കുന്നവർ , കഴിക്കുന്ന ഭക്ഷണത്തിലും ധരിക്കുന്ന വസ്ത്രത്തിലും മതം ചികയുന്നവർ, ഒരുമിച്ച് ഡാൻസ് ചെയ്യുമ്പോൾ അപ്പുറത്തുള്ളവൻ്റെ മതം തിരയുന്നവർ, വാടകക്ക് വീടന്വേഷിക്കുമ്പോൾ ജാതിയും മതവും നോക്കുന്നവർ , കഴിക്കുന്ന ഭക്ഷണത്തിൽ ഹലാലും ഹറാമും പറഞ്ഞ് മതം കാണുന്നവർ … ഈ സാമൂഹ്യ മനോരോഗത്തിന് നമ്മൾ എവിടെയാണ് ശ്രുശ്രൂഷിക്കേണ്ടത്? വെറുപ്പിൻ്റെയും വേർതിരിവിൻ്റെയും. ഈ രാഷ്ട്രീയ കോലാഹലത്തിന് എന്നാണ് അറുതി വരിക?

Next Post

ഷിഗല്ല ബാധിച്ച്‌ ആറു വയസ്സുകാരി മരിച്ചു

Sat Apr 10 , 2021
കോഴിക്കോട്: വയനാട്ടില്‍ ഷിഗല്ല ബാധിച്ച്‌ ആറു വയസ്സുകാരി മരിച്ചു. നൂല്‍പ്പുഴ കല്ലൂര്‍ സ്വദേശിനിയായ ആറ് വയസുകാരിയാണ് മരിച്ചത്. ഏപ്രില്‍ നാലിനാണ് കുട്ടി മരിച്ചത്. കോഴിക്കോട് മെഡിക്കല്‍ കോളജില്‍ നടത്തിയ പോസ്റ്റുമോര്‍ട്ടത്തിലാണ് ഷിഗല്ലയാണ് മരണകാരണമെന്ന് സ്ഥിരീകരിച്ചത്. കാട്ടുനായ്ക്കര്‍ വിഭാഗത്തില്‍പ്പെടുന്ന ആദിവാസി പെണ്‍കുട്ടിയാണ് മരിച്ചത് ഷിഗല്ല വിഭാഗത്തില്‍പെടുന്ന ബാക്ടീരിയകളാണ് ഷിഗല്ലോസിസ് (shigellosis) അഥവാ ഷിഗല്ലാ രോഗാണുബാധയ്ക്ക് കാരണമാവുന്നത്. വയറിളക്കമാണ് ഈ രോഗത്തിന്റെ പ്രധാന ലക്ഷണം. ജലത്തിലൂടെയും മോശം ഭക്ഷണത്തിലൂടെയുമാണ് ഷിഗല്ലോസിസ് പകരുന്നത്. വയറിളക്കം, […]

Breaking News

error: Content is protected !!