ഖത്തർ: ബീച്ചില്‍ കുളിക്കാനിറങ്ങിയ മൂന്ന് ഇന്ത്യക്കാര്‍ മുങ്ങി മരിച്ചു, മരിച്ചവരില്‍ രണ്ട് കുട്ടികളും

ഖത്തറിലെ അല്‍ മറൂന ബീച്ചില്‍ കുളിക്കാനിറങ്ങിയ രണ്ട് കുടുംബങ്ങളിലെ മൂന്ന് പേര്‍ മുങ്ങി മരിച്ചു. തഞ്ചാവൂര്‍ കുംഭകോണം സ്വദേശികളായ ബാലാജി ബാലഗുരു (38), മകന്‍ രക്ഷന്‍ ബാലാജി (10), വര്‍ഷിണി വൈദ്യനാഥന്‍ (12) എന്നിവരാണ് മരിച്ചത്. വെള്ളിയാഴ്ച്ച വൈകീട്ടാണ് അപകടമുണ്ടായത്. മരിച്ച ബാലാജി, വൈദ്യനാഥന്‍ എന്നിവരുടെ കുടുംബങ്ങള്‍ ഒന്നിച്ച്‌ ബീച്ചില്‍ കുളിച്ചുകൊണ്ടിരിക്കെയാണ് അപകടമുണ്ടായത്. തിരമാല പെട്ടെന്ന് ഉയരുകയും ആഞ്ഞടിക്കുകയും ചെയ്തതോടെ എല്ലാവരും കരയിലേക്ക് കയറാന്‍ ശ്രമിച്ചെങ്കിലും മൂന്ന് പേരെ കാണാതാവുകയായിരുന്നു. ബാലാജിയും വര്‍ഷണിയും സംഭവസ്ഥലത്ത് വെച്ച്‌ തന്നെ മരണപ്പെട്ടു. കോസ്റ്റ് ഗാര്‍ഡുള്‍പ്പെടെ നടത്തിയ തെരച്ചിലില്‍ കണ്ടെത്തിയ രക്ഷന്‍ പിന്നീട് ആശുപത്രിയില്‍ വെച്ചാണ് മരണപ്പെട്ടത്. അല്‍ഖോര്‍ ഹമദ് ആശുപത്രിയിലുള്ള മൃതദേഹങ്ങള്‍ മറ്റുനടപടികള്‍ പൂര്‍ത്തിയാക്കിയ ശേഷം നാട്ടിലേക്ക് കൊണ്ടുപോകും

Next Post

സൗദി: തൊഴില്‍ വിസയിലുള്ളവര്‍ക്ക് അപേക്ഷ നല്‍കി മൂന്നു ദിവസത്തിനകം ഫാമിലി വിസിറ്റ് വിസ അനുവദിക്കും

Sun Oct 10 , 2021
Share on Facebook Tweet it Pin it Email റിയാദ്: സൗദിയില്‍ തൊഴില്‍ വിസയിലുള്ളവര്‍ക്ക് അപേക്ഷ നല്‍കി മൂന്നു ദിവസത്തിനകം ഫാമിലി വിസിറ്റ് വിസ അനുവദിക്കുമെന്ന് സൗദി വിദേശകാര്യ മന്ത്രാലയം അറിയിച്ചു. ഇതിനായി മന്ത്രാലയത്തിന്റെ ഇ-പോര്‍ട്ടല്‍ വഴി അപേക്ഷ സമര്‍പ്പിക്കാം. നിലവില്‍ എല്ലാത്തരം പ്രഫഷനുകള്‍ക്കും ഫാമിലി വിസിറ്റ് വിസ അനുവദിക്കുന്നുണ്ട്. അപേക്ഷന്റെ അടുത്ത ബന്ധുക്കളായ ഭാര്യ, മക്കള്‍, പിതാവ്, മാതാവ്, ഭാര്യാ പിതാവ്, ഭാര്യാ മാതാവ് എന്നീ വിഭാഗങ്ങളിലുള്ളവരെയാണ് […]

You May Like

Breaking News

error: Content is protected !!