എലോണ്‍ മസ്‌കിന്റെ സ്വകാര്യ ആസ്തിയില്‍ ഒറ്റ ദിവസം കൊണ്ട് വര്‍ധിച്ചത് 2.71 ലക്ഷം കോടി രൂപ. ഇതോടെ വീണ്ടും ചരിത്രം സൃഷ്ഠിച്ചിരിക്കയാണ് ടെസ്‌ല മേധാവി .ഹെട്‌സ് ഗ്ലോബല്‍ ഹോള്‍ഡിങ്‌സ് ഒരു ലക്ഷം ടെസ് ല കാറുകള്‍ക്ക് ഓര്‍ഡര്‍ നല്‍കിയതാണ് സമ്ബത്ത് കുതിച്ചുയര്‍ന്നത് .
ഓര്‍ഡര്‍ ലഭിച്ചതോടെ ടെസ് ലയുടെ ഓഹരി വില 14.9 ശതമാനം കുതിച്ച്‌ 1,045.02 ഡോളര്‍ നിലവാരത്തിലെത്തി. ഇതോടെ ലോകത്തിലെ ഏറ്റവും മൂല്യമേറിയ വാഹന നിര്‍മാതാക്കളായി ഇതോടെ ടെസ് ല മാറിയെന്ന് റോയിട്ടേഴ്‌സിന്റെ വിലയിരുത്തുന്നു .
ടെസ് ലയില്‍ മസ്‌കിനുള്ള ഓഹരി വിഹിതം 23 ശതമാനമാണ്. റിഫിനിറ്റീവിന്റെ കണക്കുപ്രകാരം ഇത്രയും ഓഹരിയുടെ മൂല്യം 289 ബില്യണ്‍ ഡോളറാണ്. ബ്ലൂംബര്‍ഗിന്റെ തത്സമയ ശതകോടീശ്വരപട്ടികയുടെ ചരിത്രത്തില്‍ ഒരൊറ്റ ദിവസം ഒരാള്‍ നേടുന്ന ഏറ്റവും ഉയര്‍ന്ന ആസ്തിയാണിത്.
ചൈനീസ് വ്യവസായി സോങ് ഷാന്‍ഷന്റെ കുപ്പിവെള്ള കമ്ബനി വിപണിയില്‍ ലിസ്റ്റ്‌ചെയ്തപ്പോള്‍ അദ്ദേഹത്തിന്റെ ആസ്തിയില്‍ ഒരൊറ്റദിവസം 32 ബില്യണ്‍ വര്‍ധനവുണ്ടായിരുന്നു. ഈ ചരിത്രമാണ് എലോണ്‍ മസ്‌ക് ($36.2 billion) തിരുത്തിയത്.
