അബഹ: സൗദിയിലെ പ്രവാസി ഇന്ത്യാക്കാര്ക്ക് ജിദ്ദ ഇന്ത്യന് കോണ്സുലേറ്റിെന്റ സേവനങ്ങള് അവരുടെ വീട്ടുപടിക്കല് എത്തിക്കുന്ന പദ്ധതിക്ക് ദക്ഷിണ സൗദിയിലെ അസീര് മേഖലയില് തുടക്കം.
ഇതിെന്റ ഭാഗമായി കോണ്സുലേറ്റിലെ പാസ്പോര്ട്ട് വിഭാഗം വൈസ് കോണ്സല് ഹരിദാസ് ഖമീസ് മുശൈത്തിലെ പുറംകരാര് ഏജന്സിയായ വി.എഫ്.എസിെന്റ ഓഫീസ് സന്ദര്ച്ച് വിവിധ സേവനങ്ങള് നല്കി.
വെള്ളിയാഴ്ച രാവിലെ എട്ട് മുതല് ആരംഭിച്ച സേവനം സൗദിയുടെ അസീര് പ്രവശ്യയില് ഉള്പ്പെടുന്ന വിവിധ പ്രദേശങ്ങളില് നിന്നുള്ള ആളുകള്ക്ക് പ്രയോജനപ്പെട്ടു. മുമ്ബ് നിശ്ചയിച്ച പോലെ 30 പേര്ക്ക് ഓണ്ലൈനിലൂടെ അപ്പോയിന്റ്മെന്റ് നല്കിയെങ്കിലും, വിവിധ ആവശ്യങ്ങള്ക്കായുള്ള രേഖകള് അറ്റസ്റ്റ് ചെയ്യുന്നതിന് കോണ്സുലറെ സമീപിച്ച 57 പേരുടെ രേഖകള് അറ്റസ്റ്റ് ചെയ്തു നല്കി. മതിയായ യാത്രാരേഖകള് ഇല്ലാത്തിതിെന്റ പേരില് നാട്ടിലേക്കുള്ള മടക്കയാത്ര സാധ്യമാകാതെ പ്രയാസപ്പെട്ട 36 പേരുടെ എമര്ജന്സി സര്ട്ടിഫിക്കറ്റിെന്റ അപേക്ഷകളും സ്വീകരിച്ചു.
വൈസ് കോണ്സുല് ഹരിദാസ്, കൗണ്സുലേറ്റ് ജീവകാരുണ്യവിഭാഗം അംഗങ്ങളായ അഷ്റഫ് കുറ്റിച്ചല്, ബിജു കെ. നായര്, സാമൂഹിക പ്രവര്ത്തകരായ റോയി മൂത്തേടം എന്നിവരടങ്ങുന്ന സംഘം അബഹ നാടുകടത്തല് കേന്ദ്രം സന്ദര്ശിച്ചു. അവിടെ 17 ഇന്ത്യാക്കാരാണ് മടക്കയാത്ര കാത്ത് തടവുകാരായി കഴിയുന്നത്.
അതില് പാസ്പോര്ട്ട് കൈവശമില്ലാത്ത 13 പേര്ക്ക് എമര്ജന്സി സര്ട്ടിഫിക്കറ്റ് (ഇ.സി) നല്കി. അബഹയില് നിന്നും വിമാനമാര്ഗം നേരിട്ട് ഇന്ത്യയിലേക്ക് പോകാന് ആവശ്യമായ നടപടികള് സ്വീകരിച്ചു. കോഴിക്കോട് സ്വദേശിയായ വൈസ് കൗണ്സുല് ഹരിദാസ് ആദ്യമായാണ് അബഹ സന്ദര്ശിക്കുന്നത്. ജിദ്ദ കൗണ്സുലേറ്റില് സേവനം ആരംഭിച്ചിട്ട് മൂന്നു മാസം മാത്രമേ ആയിട്ടുള്ളു.