കുവൈത്ത് സിറ്റി : തൊഴില് വിപണിയില് കൃത്രിമം തടയുന്നതിന് നടപടികള് ശക്തമാക്കാന് മാന്പവര് അതോറിറ്റി.
വീസക്കച്ചവടത്തിനുള്ള വഴികള് പരിപൂര്ണമായി അടയ്ക്കുക എന്നതാണ് ലക്ഷ്യം. വ്യാപാര ലൈസന്സുകള് സൂക്ഷ്മ നിരീക്ഷണത്തിന് വിധേയമാക്കാന് തീരുമാനിച്ചു.
രേഖകളില് മാത്രമുള്ള സ്ഥാപനങ്ങളുടെ മറവില് വീസ സമ്ബാദിച്ച് വിദേശികളെ കുവൈത്തില് എത്തിക്കുന്ന പ്രവണത പൂര്ണമായും ഇല്ലാതാക്കാനാണ് നീക്കം. ഓരോ ലൈന്സുമായി ബന്ധപ്പെട്ട സ്ഥാപനങ്ങളുടെ പ്രവര്ത്തനത്തിന് അനിവാര്യമായ തൊഴില് ശേഷി സംബന്ധിച്ച കണക്കെടുപ്പ് അതോറിറ്റി ആഗ്രഹിക്കുന്നു.
സര്ക്കാര് പദ്ധതികള് നടപ്പാക്കുന്നതിനുള്ള കരാര് കമ്ബനികളുമായും കൃത്യമായ കണക്കെടുപ്പുണ്ടാകും. വീസക്കച്ചവടത്തിന് അത്തരം ചില കമ്ബനികളുടെ ലൈസന്സും മറയാക്കുന്നുവെന്ന പരാതികളെ തുടര്ന്നാണിത്. ഗാര്ഹിക തൊഴില് മേഖലയില് ആളുകളെ നല്കുന്നതിനുള്ള സ്ഥാപനങ്ങളാണ് വീസക്കച്ചവടത്തിന്റെ മറ്റൊരു കേന്ദ്രമായി കണക്കാക്കുന്നത്.
കോവിഡ് മഹാമാരിയുടെ പശ്ചാത്തലത്തില് മന്ദഗതിയിലായിരുന്ന പരിശോധന ശക്തമായി പുനരാരംഭിക്കാനാണ് തീരുമാനം. അതേസമയം വിവിധ മേഖലകളില് വിദേശികളെ കൊണ്ടുവരുന്നതിന് വീസ അനുവദിക്കണമെന്ന ആവശ്യവുമായി സമീപിക്കുന്നവരുടെ എണ്ണം വര്ധിച്ചതായി മാന്പവര് അതോറിറ്റി വ്യക്തമാക്കി.
സ്വകാര്യ വിദ്യാലയങ്ങള്, റസ്റ്ററന്റുകളും പോഷകാഹാര നിര്മാണ സ്ഥാപനങ്ങളും, തോട്ടം പരിചാരകരും സെക്യൂരിറ്റിക്കാരും, ശുചീകരണ തൊഴിലാളികളും ക്ലര്ക്കുമാരും, കരാര് കമ്ബനികളും നിര്മാണ കമ്ബനികളും, മത്സ്യത്തൊഴിലാളികളും കൃഷിക്കാരും തുടങ്ങിയ വിഭാഗങ്ങളില് വീസയ്ക്കാണ് കൂടുതല് അപേക്ഷ ലഭിച്ചുകൊണ്ടിരിക്കുന്നത്.