കുവൈത്ത് സിറ്റി: കുവൈത്തിലെ പ്രവാസ ജീവിതം മതിയാക്കി ഖത്തറിലേക്ക് പോകുന്ന സിദ്ധീഖ് ഹസൻ, സിമി അക്ബര്‍ എന്നിവര്‍ക്ക് കേരള ഇസ്‌ലാമിക് ഗ്രൂപ് കുവൈത്ത് കേന്ദ്ര കമ്മിറ്റി യാത്രയയപ്പ് നല്‍കി.
ഫര്‍വാനിയ ഐഡിയല്‍ ഓഡിറ്റോറിയത്തില്‍ ചേര്‍ന്ന യാത്രയയപ്പ് യോഗത്തില്‍ കെ.ഐ.ജി കുവൈത്ത് പ്രസിഡണ്ട് പി.ടി ശരീഫ് അധ്യക്ഷത വഹിച്ചു. ഫൈസല്‍ മഞ്ചേരി, സക്കീര്‍ ഹുസൈൻ തുവ്വൂര്‍, അൻവര്‍ സഈദ്, കെ.അബ്‌ദുറഹ്‌മാൻ,ഫിറോസ് ഹമീദ്,പി.ടി. ഷാഫി, മുഹമ്മദ് നൈസാം, കെ.വി,മുഹമ്മദ് ഫൈസല്‍,വര്‍ദ,മെഹ്ബൂബ,റസീന, നൗഫല്‍,സാബിഖ് യൂസുഫ്,അനീസ് അബ്‌ദുസലാം എന്നിവര്‍ ആശംസകള്‍ നേര്‍ന്നു സംസാരിച്ചു. ആദരവിനും യാത്രയയപ്പിനും സിദ്ധീഖ് ഹസൻ നന്ദി രേഖപ്പെടുത്തി. കെ.ഐ.ജി പ്രസിഡണ്ട് പി.ടി ശരീഫ് ഉപഹാരം നല്‍കി.
16 വര്‍ഷത്തെ പ്രവാസ ജീവിതത്തിന് ശേഷമാണ് തൃശൂര്‍ എറിയാട് സ്വദേശികളായ ഇരുവരും ഖത്തറിലേക്ക് പോകുന്നത്. കെ.ഐ.ജിയുടെ ബഹുമുഖ പ്രവര്‍ത്തനങ്ങളില്‍ രണ്ട് പേരും സജീവമായി പങ്കാളികളായിരുന്നു.
