കുവൈത്ത് സിറ്റി: കുവൈത്തില്‍ വാടക തർക്കങ്ങളുമായി ബന്ധപ്പെട്ട കേസുകള്‍ക്കായി ഇലക്‌ട്രോണിക് പ്ലാറ്റ്‌ഫോം സജ്ജമാക്കുമെന്ന് നീതിന്യായ മന്ത്രി ഡോ. മുഹമ്മദ് അല്‍ വാസ്മി. കേസുകളുമായി ബന്ധപ്പെട്ട കരാറുകള്‍, വിധികള്‍, എക്‌സിക്യൂട്ടീവ് ഉത്തരവുകള്‍ എന്നിവയായിരിക്കും ഡിജിറ്റല്‍ പ്ലാറ്റ്‌ഫോം വഴി കൈകാര്യം ചെയ്യുക. ഇതോടെ താമസ-വാണിജ്യ കെട്ടിടങ്ങളുമായി ബന്ധപ്പെട്ട തർക്കങ്ങള്‍ ഓണ്‍ലൈൻ പ്ലാറ്റ്‌ഫോം വഴിയുള്ള ഡിജിറ്റല്‍ ചാനലുകള്‍ വഴി പരിഹരിക്കാൻ കഴിയും.
അതിനിടെ രാജ്യത്ത് അപ്പീല്‍ കാലയളവ് 30 ദിവസത്തേക്ക് നീട്ടിയതായി മുഹമ്മദ് അല്‍ വാസ്മി അറിയിച്ചു. നേരത്തെ കേസുകളുടെ അപ്പീല്‍ കാലാവധി 20 ദിവസമായിരുന്നു.
