കുവൈത്തില് വിദേശികള് ഡ്രൈവിങ് ലൈസന്സിന്റെ സാധുത പരിശോധിച്ച് ഉറപ്പുവരുത്തണമെന്ന് ആഭ്യന്തര മന്ത്രാലയം.
മൈ ഐഡന്റിറ്റി ആപ്പ് വഴിയാണ് സാധുത പരിശോധിക്കേണ്ടത്.
നിശ്ചിത മാനദണ്ഡം പാലിക്കാതെ എടുത്ത ഡ്രൈവിങ് ലൈസന്സുകള് സ്വമേധയാ റദ്ദാക്കുന്ന സാഹചര്യത്തിലാണ് മന്ത്രാലയത്തിന്റെ മുന്നറിയിപ്പ്. മാനദണ്ഡങ്ങള് മറികടന്ന് കുറുക്കുവഴിയിലൂടെ നേടിയ ലൈസന്സ് കാലാവധി ഉണ്ടെങ്കിലും റദ്ദാക്കും.
ഇത്തരം ലൈസന്സ് ഉപയോഗിച്ച് വാഹനം ഓടിക്കുന്നവരെ പിടികൂടി നാടുകടത്തും. ലൈസന്സ് ഇല്ലാതെ വാഹനം ഓടിച്ചതിനുള്ള ശിക്ഷയാണ് നേരിടേണ്ടിവരിക. നിയമ ലംഘകരെ കണ്ടെത്തുന്നതിനുള്ള പരിശോധനയും ശക്തമാക്കി.