മസ്‌കത്ത്: വ്യാഴം, ശനി ദിവസങ്ങളില്‍ രാജ്യത്തെ ഏതാനും റോഡുകളില്‍ ട്രക്കുകള്‍ക്ക് നിരോധനം ഏര്‍പ്പെടുത്തിയതായി ഒമാന്‍. റോയല്‍ ഒമാന്‍ പോലീസാണ് ഇക്കാര്യം അറിയിച്ചത്. മസ്‌കറ്റ് ഗവര്‍ണറേറ്റിലെ പ്രധാന റോഡുകളിലാണ് നിയന്ത്രണം. അല്‍ ദാഖിലിയ റോഡ് (മസ്‌കറ്റ് – ബിദ്ബിദ് ബ്രിഡ്ജ്), അല്‍ ബതീന ഹൈവേ (മസ്‌കറ്റ് – ഷിനാസ്) റോഡുകളില്‍ വ്യാഴാഴ്ച്ചകളില്‍ ഉച്ചയ്ക്ക് 12 മണി മുതല്‍ വൈകീട്ട് 4 മണി വരെയും ശനിയാഴ്ച്ചകളില്‍ വൈകീട്ട് 4 മണിമുതല്‍ രാത്രി 10 മണി വരെയുമാണ് നിയന്ത്രണം.
ഗതാഗത കുരുക്ക് ഒഴിവാക്കുന്നതിന്റെ ഭാഗമായാണ് ഇത്തരമൊരു നടപടി സ്വീകരിച്ചതെന്ന് അധികൃതര്‍ അറിയിച്ചു. ഉത്തരവ് കര്‍ശനമായി പാലിക്കാന്‍ ഒമാനിലെ ട്രക്ക് ഡ്രൈവര്‍മാരോട് പോലീസ് നിര്‍ദ്ദേശിച്ചു.
