കുവൈത്ത് സിറ്റി: കുവൈത്തില്‍ ആടുകളുടെ കയറ്റുമതിക്ക് നിരോധനം ഏര്‍പ്പെടുത്തി. ഇന്ന് മുതല്‍ നാല് മാസക്കാലത്തേക്കാണ് നിരോധനം.
വാണിജ്യ-വ്യവസായ മന്ത്രിയും കമ്മ്യൂണിക്കേഷന്‍സ് ആന്‍ഡ് ഇന്‍ഫര്‍മേഷന്‍ ടെക്‌നോളജി സഹമന്ത്രിയുമായ മാസെന്‍ അല്‍-നഹെദ് ആണ് ഇത് സംബന്ധിച്ച്‌ ഉത്തരവ് പുറപ്പെടുവിച്ചത്.
എല്ലാതരം ആടുകളുടെയും കയറ്റുമതിയും പുനര്‍ കയറ്റുമതിയും ജൂലൈ ഒന്ന് വരെയുള്ള കാലയളവിലേക്കാണ് നിരോധിച്ചിരിക്കുന്നത്.
ബലി പെരുന്നാളിനോടനുബന്ധിച്ച്‌ രാജ്യത്ത് ആടുകളുടെ ലഭ്യത ഉറപ്പാക്കുക എന്ന ലക്ഷ്യത്തോടെയാണ് നിരോധനം എന്നാണ് അറിയുന്നത്.
