ഒമാൻ:ഉംറ കഴിഞ്ഞു മടങ്ങവേ കോഴിക്കോട് സ്വദേശിനി വിമാനത്തിനുള്ളില്‍ മരണപ്പെട്ടു

മസ്‌കറ്റ്: ഉംറ കഴിഞ്ഞു മടങ്ങവേ ജിദ്ദയില്‍ നിന്നു കോഴിക്കോടേക്കുള്ള വിമാനത്തില്‍ കോഴിക്കോട് സ്വദേശിനി ഒമാനില്‍ ഹൃദയാഘാതം മൂലം മരണപ്പെട്ടു.

വടകര അഴിയൂര്‍ സ്വദേശി വലിയപറമ്ബത്ത് റഈസിന്റെ ഭാര്യ അഴീക്കല്‍ കുന്നുമ്മല്‍ ഷെര്‍മിന(32)യാണ് മരണപ്പെട്ടത്. ഒമാന്‍ എയറില്‍ ജിദ്ദയില്‍നിന്ന് മസ്‌കറ്റ് വഴി നാട്ടിലേക്ക് തിരിക്കുന്നതിനിടെ ഷര്‍മിനയ്ക്ക് ദേഹാസ്വാസ്ഥ്യം അനുഭവപ്പെടുകയായിരുന്നു. തുടര്‍ന്ന് വിമാനം മസ്‌കറ്റില്‍ അടിയന്തിരമായി ഇറക്കി. പിന്നീട് ഡോക്ടര്‍മാരെത്തി നടത്തിയ പരിശോധനയിലാണ് മരണം സ്ഥിരീകരിച്ചത്.

മയ്യിത്ത് മസ്‌കറ്റിലെ സ്വകാര്യ ആശുപത്രി മോര്‍ച്ചറിയിലേക്ക് മാറ്റി. 10 വയസ്സുകാരനായ മൂത്ത മകന്‍ മുഹമ്മദ് യാത്രയില്‍ മാതാവിനോടൊപ്പമുണ്ടായിരുന്നു. മറ്റു മക്കള്‍: ഖദീജ, ആയിശ. കൊള്ളോച്ചി മായിന്‍കുട്ടി-ഷരീഫ ദമ്ബതികളുടെ മകളാണ്. നടപടിക്രമങ്ങള്‍ പൂര്‍ത്തിയാക്കി മയ്യിത്ത് നാട്ടിലേക്ക് അയക്കുമെന്ന് ബന്ധപ്പെട്ടവര്‍ അറിയിച്ചു.

Next Post

കുവൈത്ത് : തൃശ്ശൂര്‍ അസോസിയേഷൻ ഓഫ് കുവൈറ്റ് ഗൃഹമൈത്രി 2022 ഭവന പദ്ധതിയുടെ താക്കോല്‍ദാനം നടത്തി

Sat Dec 2 , 2023
Share on Facebook Tweet it Pin it Email തൃശ്ശൂര്‍ അസോസിയേഷൻ ഓഫ് കുവൈത്ത് ഗൃഹമൈത്രി 2022 പദ്ധതിയുടെ രണ്ടു വീടുകളില്‍ ആദ്യത്തെ വീടിന്റെ താക്കോല്‍ദാനം ട്രാസ്ക് പ്രസിഡന്റ് ആന്റോ പാണേങ്ങാടൻ, ട്രാസ്ക് അംഗം വാസന്തിക്കു നല്‍കിക്കൊണ്ട് നിര്‍വഹിച്ചു. തൃശ്ശൂര്‍ ജില്ലയിലെ വരന്തരപ്പിള്ളി ഗ്രാമപഞ്ചായത്തില്‍ മൂന്നാം വാര്‍ഡിലാണ് വീട് നിര്‍മ്മിച്ചു നല്‍കിയത്. വരന്തരപ്പിള്ളി ഗ്രാമപഞ്ചായത്ത് പ്രസിഡൻറ് അജിതാ സുധാകരന്റെ സാന്നിധ്യത്തില്‍, ട്രാസ്ക് വൈസ് പ്രസിഡന്റ്‌ രജീഷ് ചിന്നൻ സ്വാഗതവും […]

You May Like

Breaking News

error: Content is protected !!