റിയാദ്: സൗദിയില് തൊഴില് വിസയിലുള്ളവര്ക്ക് അപേക്ഷ നല്കി മൂന്നു ദിവസത്തിനകം ഫാമിലി വിസിറ്റ് വിസ അനുവദിക്കുമെന്ന് സൗദി വിദേശകാര്യ മന്ത്രാലയം അറിയിച്ചു. ഇതിനായി മന്ത്രാലയത്തിന്റെ ഇ-പോര്ട്ടല് വഴി അപേക്ഷ സമര്പ്പിക്കാം.
നിലവില് എല്ലാത്തരം പ്രഫഷനുകള്ക്കും ഫാമിലി വിസിറ്റ് വിസ അനുവദിക്കുന്നുണ്ട്. അപേക്ഷന്റെ അടുത്ത ബന്ധുക്കളായ ഭാര്യ, മക്കള്, പിതാവ്, മാതാവ്, ഭാര്യാ പിതാവ്, ഭാര്യാ മാതാവ് എന്നീ വിഭാഗങ്ങളിലുള്ളവരെയാണ് വിസിറ്റ് വിസക്ക് പരിഗണിക്കുക.
ഫാമിലി വിസിറ്റ് വിസ ലഭിക്കുന്നതിന് കാലതാമസം നേരിടുന്നതായി പരാതി ഉയര്ന്ന സാഹചര്യത്തിലാണ് മന്ത്രാലയത്തിന്റെ വിശദീകരണം. വിസക്ക് അപേക്ഷിക്കുന്നവര് അതിനുള്ള വ്യവസ്ഥകളും നിബന്ധനകളും കൃത്യമായി പാലിക്കണമെന്നും മന്ത്രാലയം നിര്ദേശിച്ചു.