കുവൈത്ത് സിറ്റി: കുവൈത്തില് ഭക്ഷ്യസുരക്ഷയുമായി നേരിട്ട് ബന്ധമുള്ള തൊഴിലാളികള്ക്ക് വിസ, തൊഴില് പെര്മിറ്റ് എന്നിവ അനുവദിക്കുന്നത് പുനരാരംഭിക്കാന് തീരുമാനം.
കഴിഞ്ഞ ദിവസം ചേര്ന്ന മന്ത്രിസഭ യോഗമാണ് കോവിഡ് പശ്ചാത്തലത്തില് ഏര്പ്പെടുത്തിയ വിസ നിയന്ത്രണത്തില്നിന്ന് ഭക്ഷ്യമേഖലയെ ഒഴിവാക്കിയത്.
ഭക്ഷ്യസംസ്കരണം, ഭക്ഷ്യോല്പന്നങ്ങളുടെ വിതരണം എന്നിവയുമായി ബന്ധപ്പെട്ട മേഖലകളിലേക്ക് എന്ട്രി വിസ, സന്ദര്ശന വിസ, തൊഴില് പെര്മിറ്റ് എന്നിവ അനുവദിക്കാനാണ് തീരുമാനം. റസ്റ്റാറന്റുകള്, ബേക്കറി, മത്സ്യബന്ധനം, വിപണനം, കാര്ഷിക ഫാമുകള്, കന്നുകാലി വളര്ത്തല്, ക്ഷീരോല്പാദന യൂനിറ്റുകള്, പൗള്ട്രി ഫാം എന്നീ മേഖലകളെ വിസ നിയന്ത്രണത്തില്നിന്ന് ഒഴിവാകും.