കുവൈത്തില്‍ നടപ്പാതയിലെ താപനില കുറക്കാന്‍ ജപ്പാന്‍ സാങ്കേതികവിദ്യ പ്രയോജനപ്പെടുത്താന്‍ നീക്കം.കഴിഞ്ഞ ദിവസം പരിസ്ഥിതി പബ്ലിക് അതോറിറ്റി, മിശ്രിഫ് സഹകരണ സംഘം, കുവൈത്തിലെ ജപ്പാന്‍ എംബസി എന്നിവിടങ്ങളിലെ അധികൃതരുടെ സാന്നിധ്യത്തില്‍ നടത്തിയ പരിശോധനയില്‍ പരമ്ബരാഗത നടപ്പാതയില്‍ 45 ഡിഗ്രി താപനില രേഖപ്പെടുത്തിയപ്പോള്‍ ജപ്പാന്‍ സാേങ്കതിക വിദ്യ പ്രയോജനപ്പെടുത്തിയ ഭാഗത്ത് 38 ഡിഗ്രി ആയിരുന്നു.
താപത്തെ കടത്തിവിടാത്ത ഇന്‍സുലേറ്റിങ് ഉല്‍പന്നം നടപ്പാതയില്‍ പതിപ്പിക്കുകയാണ് ചെയ്യുന്നത്. പരിസ്ഥിതി മേഖലയില്‍ ജപ്പാനും കുവൈത്തും സഹകരണം ശക്തമാക്കുമെന്ന് ജപ്പാന്‍ അംബാസഡര്‍ മസാകോ ടാകോ പറഞ്ഞു. ജപ്പാനില്‍ പാര്‍ക്കിലും നടപ്പാതയിലും മറ്റു സ്ഥലങ്ങളിലും വ്യാപകമായി ഉപയോഗിക്കുന്നതാണ് ഇത്തരം ഇന്‍സുലേഷന്‍. കഴിഞ്ഞ ഏപ്രിലിലാണ് പരീക്ഷണാടിസ്ഥാനത്തില്‍ മിശ്രിഫില്‍ സ്ഥാപിച്ചത്.
