റിയാദ്: ലോക ശ്രദ്ധ പിടിച്ച റിയാദ് സീസണ്‍ ആഘോഷത്തിന് താരപ്രഭയേകാന്‍ പ്രമുഖ ബോളിവുഡ് താരം സല്‍മാന്‍ ഖാന് എത്തുന്നു.
ഡിസംബര്‍ 10ന് സല്‍മാന്‍ സൗദി തലസ്ഥാന നഗരിയിലെത്തുമെന്ന് ജനറല്‍ എന്‍റര്‍ടൈന്‍മെന്‍റ് അതോറിറ്റി ചെയര്‍മാന്‍ തുര്‍ക്കി അല്‍ ശൈഖ് ട്വീറ്റ് ചെയ്തതോടെ താരത്തിെന്‍റ വരവിനായി കാത്തിരിക്കുകയാണ് ഇന്ത്യക്കാരുള്‍പ്പടെയുള്ള ആരാധകര്‍.
എല്ലാവരെയും കാണാന്‍ ഞാന്‍ റിയാദിലെത്തുന്നുണ്ടെന്ന് സല്‍മാന്‍ ഖാെന്‍റ മറു ട്വീറ്റ് കൂടി എത്തിയതോടെ ആരാധകര്‍ ആവേശത്തിലായി. സൗദി പ്രവാസി മലയാളികളുടെയും ഇഷ്‌ടതാരമാണ് സല്‍മാന്‍. താരത്തെ നേരിട്ട് കാണാന്‍ ടിക്കറ്റ് ഓണ്‍ലൈനില്‍ എത്തുന്നത് കാത്തിരുന്നവര്‍ക്ക് ആഹ്ലാദം പകര്‍ന്ന് ഞായറാഴ്ച മുതല്‍ ടിക്കറ്റ് വില്‍പനയും ആരംഭിച്ചു.
150 റിയാല്‍, 375 റിയാല്‍, 1000 റിയാല്‍ എന്നിങ്ങനെയാണ് ടിക്കറ്റ് നിരക്ക്. ‘ദ ബാങ്’ എന്ന പേരിലാണ് സല്‍മാന്‍ ഖാെന്‍റ പരിപാടി അരങ്ങേറുന്നത്. സൗദിയില്‍ ഏറ്റവും കൂടുതല്‍ ആരാധകരുള്ള ഇന്ത്യന്‍ നടന്മാരില്‍ ഒരാള്‍ കൂടിയാണ് സല്‍മാന്‍ ഖാന്.
സൗദി അറേബ്യയിലെ പ്രമുഖ വസ്ത്ര വ്യാപാര ശൃംഖലയുടെ പരസ്യ മോഡലായിരുന്നു സല്‍മാന്‍ ഖാന്. ആബാലവൃദ്ധം അറബ് സമൂഹത്തിനിടയിലെ സല്‍മാെന്‍റ സ്വാധീനമാണ് റിയാദ് സീസണിലേക്ക് അദ്ദേഹം ക്ഷണിക്കപ്പെട്ടതിന് പിന്നില്‍. രണ്ട് വര്‍ഷം മുമ്ബ് കിഴക്കന്‍ പ്രവിശ്യയിലെ ‘അല്‍ഷര്‍ഖ് ഫെസ്റ്റിവലി’ല്‍ അതിഥിയായി സല്‍മാന്‍ ഖാന് എത്തിയിരുന്നു.
ഒക്ടോബര്‍ 20ന് ആരംഭിച്ച റിയാദ് സീസണ്‍ ഉത്സവത്തില്‍ ലോക പ്രശസ്ത റാപ്പര്‍ പിറ്റ് ബുള്‍, വിഖ്യാത സൗദി ഗായകന്‍ മുഹമ്മദ് അബ്ദു, സിറിയന്‍ ഗായിക റാഷാ റിസ്ക് ഉള്‍പ്പടെയുള്ളവരുടെ പരിപാടികള്‍ ഇതിനം അരങ്ങേറിയെങ്കിലും കാര്യമായ ഇന്ത്യന്‍ സാന്നിധ്യം ഉണ്ടായിരുന്നില്ല.
സല്‍മാന്‍ ഖാെന്‍റ വരവോടെ താരപരിവേഷമായി തന്നെ ആ കുറവ് നികത്തപ്പെടും.
സൗദി പൗരന്മാര്‍ക്ക് പുറമെ മലയാളികള്‍ ഉള്‍പ്പടെ ആയിരക്കണക്കിന് ഇന്ത്യക്കാര്‍ സല്‍മാനെ കാണാനും പ്രകടനം ആസ്വദിക്കാനും നഗരിയിലെത്തും. സല്‍മാന്‍ ഖാന് പുറമെ ശില്‍പ ഷെട്ടി, ജാക്വലിന്‍ ഫെര്‍ണാണ്ടസ്, സായ് മഞ്ച്റേക്കര്‍, സുനില്‍ ഗ്രോവര്‍, ഗുരു രണ്‍ധാവ തുടങ്ങിയ താരങ്ങളും അരങ്ങിലെത്തും.
മാര്‍ച്ച്‌ 31ന് അവസാനിക്കുന്ന ഉത്സവത്തിലേക്ക് ആഗോള പ്രശസ്ത കലാകാരന്മാരും കായിക ലോകത്തെ വമ്ബന്മാരും വരും ദിവസങ്ങളില്‍ ഇനിയും എത്താനുണ്ട്. ‘കൂടുതല്‍ സങ്കല്‍പ്പിക്കുക’ എന്ന സീസണ്‍ തലവാചകം അന്വര്‍ഥമാകും വിധമാണ് ദിനേന വിസമയങ്ങള്‍ തീര്‍ത്ത് സീസണ്‍ മുന്നേറുന്നത്. ഫുട്ബാള്‍ താരങ്ങളായ മെസ്സിയും എംബാപ്പായും നെയ്‌മറും സൗദി ഗ്രൗണ്ടില്‍ പന്തുരുട്ടാനെത്തുന്നതിനാണ് ഫുട്ബാള്‍ ആരാധകരുടെ അടുത്ത കാത്തിരിപ്പ്. കളിയും കാര്യവും കലയും തുടങ്ങി എല്ലാ തരം ആസ്വാദകരുടെയും അഭിരുചിക്കനുസരിച്ചാണ് സീസണ്‍ വേദികള്‍ ഒരുങ്ങിയിരിക്കുന്നത്.
