ഒമാനില് കടലില് ആദ്യമായി പുതിയ ഇനം മത്സ്യത്തെ കണ്ടെത്തിയതായി കൃഷി, ഫിഷറീസ്, ജലവിഭവ മന്ത്രാലയം അറിയിച്ചു.ദൂഫാറിലെ മിര്ബാത്ത് തീരത്ത്നിന്ന് അടുത്തിടെ ഒമാനി മത്സ്യത്തൊഴിലാളിയാണ് ജെംപിലിഡേ (പാമ്ബ് അയല) കുടുംബത്തിലെ എസ്കോളറിനെ പിടികൂടിയത്. ഇദ്ദേഹം പിന്നീട് ഇതിനെ ഫിഷറീസ് റിസര്ച് ജനറല് ഡയറക്ടറേറ്റിന് കൈമാറുകയായിരുന്നുവെന്ന് മന്ത്രാലയം അറിയിച്ചു.
മത്സ്യത്തെ രേഖപ്പെടുത്തുന്നതിന് ഒമാന് മത്സ്യത്തൊഴിലാളി അസോസിയേഷന് നടത്തുന്ന സഹകരണത്തിന് കൃഷി, ഫിഷറീസ്, ജലവിഭവ മന്ത്രാലയം നന്ദി അറിയിച്ചു. എല്ലാ മത്സ്യത്തൊഴിലാളികളും പുതിയ ഇനം മത്സ്യങ്ങളെ കണ്ടെത്താനും ഈ മേഖലയിലെ ഗവേഷകരുമായി ആശയവിനിമയം നടത്താനും ശ്രമിക്കണമെന്നും മന്ത്രാലയം അഭ്യര്ഥിച്ചു.