ഒമാനില്‍ പാസ്പോര്‍ട്ടുകളില്‍ വിസ സ്റ്റാമ്ബിങ് നിര്‍ത്തുന്നത് റെസിഡന്‍റ് കാര്‍ഡിന് പ്രാധാന്യം വര്‍ധിപ്പിക്കും. പാസ്പോര്‍ട്ടുകളില്‍ വിസ സ്റ്റാമ്ബ് ചെയ്യാത്തത് യാത്രയെ ഒരുവിധത്തിലും ബാധിക്കില്ലെന്ന് ഒമാന്‍ അധികൃതര്‍ അറിയിച്ചിട്ടുണ്ട്.
എന്നാല്‍, താമസരേഖ സംബന്ധമായ എല്ലാ ആവശ്യങ്ങള്‍ക്കും ഒമാന്‍ അധികൃതര്‍ നല്‍കുന്ന റെസിഡന്‍റ് കാര്‍ഡുകള്‍ മതിയാവുമെന്നും വ്യക്തമാക്കുന്നു. വിസ ഓണ്‍ലൈനിലൂടെ ആക്കുക വഴി താമസരേഖകള്‍ പുതുക്കുന്നത് എളുപ്പമാക്കുകയാണ് അധികൃതര്‍ ഇതിലൂടെ ലക്ഷ്യമിടുന്നത്.
