ലണ്ടന് : ലോകകേരള സഭയുടെ മേഖലാസമ്മേളനങ്ങള് സര്ക്കാര് ചെലവിലല്ലെന്ന് വ്യക്തമാക്കി മുഖ്യമന്ത്രി പിണറായി വിജയന്. അതത് സ്ഥലങ്ങളിലെ പ്രവാസി മലയാളികളാണ് മേഖലാസമ്മേളനത്തിന്റെ ചെലവ് വഹിക്കുന്നതെന്നും മുഖ്യമന്ത്രി പറഞ്ഞു. ലണ്ടനില് ലോകകേരളസഭ മേഖലാ സമ്മേളനം ഉദ്ഘാടനം ചെയ്യുമ്ബോഴായിരുന്നു മുഖ്യമന്ത്രി ഇക്കാര്യം വ്യക്തമാക്കിയത്. മന്ത്രിമാരായ പി.രാജീവ്. വി, ശിവന്കുട്ടി , പ്രവാസി വ്യവസായി എം.എ. യൂസഫലി, നോര്ക്ക ചെയര്മാന് പി. ശ്രീരാമകൃഷ്ണന് എന്നിവരും പരിപാടിയില് പങ്കെടുക്കുന്നുണ്ട്.
സംസ്ഥാനം സാമ്ബത്തിക പ്രതിസന്ധി നേരിടുന്നതിനിടെ മുഖ്യമന്ത്രിയും മന്ത്രിമാരും കുടുംബത്തോടൊപ്പം വിദേശസന്ദര്ശനം നടത്തുന്നതിനെതിരെ രൂക്ഷവിമര്ശനം ഉയര്ന്നിരുന്നു. സന്ദര്ശനത്തിന് എത്ര കോടി ചെലവായെന്ന് കെ.പി.സി.സി അദ്ധ്യക്ഷന് കെ .സുധാകരന് ചോദിച്ചിരുന്നു. ധൂര്ത്ത് കൊണ്ട് കേരളത്തിന് എന്ത് നേട്ടമാണുണ്ടാകുന്നതെന്നും കെ. സുധാകരന് ചോദിച്ചിരുന്നു. ഈ പശ്ചാത്തലത്തിലാണ് മുഖ്യമന്ത്രിയുടെ മറുപടി.
നാളെ കാര്ഡിഫ് സര്വകലാശാലയില് മുഖ്യമന്ത്രി സന്ദര്ശനം നടത്തും. മറ്റെന്നാള് യുകെയിലെ മലയാളി വ്യാപാര സമൂഹവുമായി അദ്ദേഹം കൂടിക്കാഴ്ച നടത്തും.