കുവൈത്തില് രണ്ടു മാസത്തിനിടെ ഇന്ത്യക്കാര് ഉള്പ്പെടെ 6112 വിദേശികളെ നാടുകടത്തിയതായി താമസകുടിയേറ്റ വകുപ്പ് അറിയിച്ചു. തൊഴില്, താമസ കുടിയേറ്റ നിയമം ലംഘിച്ചവരും നുഴഞ്ഞുകയറ്റക്കാരും ഇതില് ഉള്പ്പെടും.
ഓഗസ്റ്റ്, സെപ്റ്റംബര് മാസങ്ങളില് താമസ കുടിയേറ്റ വകുപ്പ് നടത്തിയ പരിശോധനയില് നൂറുകണക്കിന് പേര് പിടിയിലായിരുന്നു. കഴിഞ്ഞ ആഴ്ച മാത്രം 45 നിയമലംഘകരെ അറസ്റ്റ് ചെയ്തു. ഇവരെ നാടുകടത്തല് കേന്ദ്രത്തില് പാര്പ്പിച്ച് രേഖകളും നിയമനടപടികളും പൂര്ത്തിയാക്കി നാട്ടിലേക്ക് അയയ്ക്കും.