കുവൈത്തില്‍ ക്രൂസ് കപ്പലില്‍ എത്തിയ 90 കിലോഗ്രാം മയക്കുമരുന്ന് പിടികൂടി. സമുദ്രാതിര്‍ത്തിയിലേക്ക് പ്രവേശിച്ച ക്രൂസ് ബോട്ട് തടഞ്ഞ് കോസ്റ്റ് ഗാര്‍ഡ് നടത്തിയ പരിശോധനയിലാണ് മയക്കുമരുന്ന് കണ്ടെത്തിയത്. കപ്പല്‍ ഉടമയടക്കം മൂന്ന് പേര്‍ അറസ്റ്റിലായി.
ഉപപ്രധാനമന്ത്രിയും പ്രതിരോധ മന്ത്രിയും ആക്ടിങ് ആഭ്യന്തരമന്ത്രിയുമായ ശൈഖ് തലാല്‍ അല്‍ ഖാലിദിന്റെ മേല്‍നോട്ടത്തിലാണ് പരിശോധന നടത്തിയത്. ലെഫ്റ്റനന്റ് ജനറല്‍ അന്‍വര്‍ അല്‍ ബര്‍ജാസ്, തുറമുഖ- അതിര്‍ത്തി സുരക്ഷാകാര്യങ്ങളുടെ അസിസ്റ്റന്റ് അണ്ടര്‍സെക്രട്ടറി മേജര്‍ ജനറല്‍ മന്‍സൂര്‍ അല്‍ അവാദി, കോസ്റ്റ് ഗാര്‍ഡ് ജനറല്‍ അഡ്മിനിസ്‌ട്രേഷന്‍ ഡയറക്ടര്‍ മേജര്‍ ജനറല്‍ തലാല്‍ അല്‍ മൗണ്‍സ് എന്നിവര്‍ പരിശോധനയില്‍ പങ്കെടുത്തു.
