രാഷ്‌ട്രീയ അനിശ്ചിതത്വങ്ങള്‍ തുടരുന്ന ബ്രിട്ടന് സാമ്ബത്തിക മേഖലയിലും തിരിച്ചടിയായി അന്താരാഷ്‌ട്ര ഏജന്‍സിയായ മൂഡീസിന്റെ റേറ്റിംഗ്. മൂഡീസ് വെള്ളിയാഴ്ച യുണൈറ്റഡ് കിംഗ്ഡത്തിന്റെ റേറ്റിംഗില്‍ ‘സ്ഥിര’ത്തില്‍ നിന്ന് ‘നെഗറ്റീവായി’ തരംതാഴ്‌ത്തി. രാഷ്‌ട്രീയ അസ്ഥിരത തുടരുന്ന ബ്രിട്ടണില്‍ ഉയര്‍ന്ന പണപ്പെരുപ്പവും വളര്‍ച്ചാ മുരടിപ്പും വലിയ തിരിച്ചടിയാണ്. മൂഡീസിന്റെ അവലോകനത്തില്‍ ദുര്‍ബലമായ വളര്‍ച്ചാ സാധ്യതകളാണ് യുകെയില്‍ നിലനില്‍ക്കുന്നത്. മൂഡീസ് യുണൈറ്റഡ് കിംഗ്ഡത്തിനായുള്ള പരമാധികാര റേറ്റിംഗ് ‘Aa3’ല്‍ നിലനിര്‍ത്തി.
ബ്രിട്ടീഷ് പ്രധാനമന്ത്രി ലിസ് ട്രസ് വ്യാഴാഴ്ച രാജിവെച്ചിരുന്നു. ഭരണകക്ഷിയായ കണ്‍സര്‍വേറ്റീവ് പാര്‍ട്ടിയിലെ ഭിന്നതയാണ് രാജിയിലേക്ക് നയിച്ചത്. ‘ദുര്‍ബലമായ വളര്‍ച്ചാ സാധ്യതകള്‍ക്കും ഉയര്‍ന്ന പണപ്പെരുപ്പത്തിനും ഇടയില്‍ നയരൂപീകരണം പ്രവചനാതീതമായതായി മൂഡീസ് വ്യക്തമാക്കുന്നു. ‘കൂടുതല്‍ വായ്പയെടുക്കല്‍, നയപരമായ വിശ്വാസ്യതയില്‍ തുടര്‍ച്ചയായി ദുര്‍ബലമാകാനുള്ള സാധ്യത എന്നിവ കാരണം യുകെയുടെ കടമടെുപ്പില്‍ അപകടസാധ്യതകളും ഉണ്ടെന്ന് റിപ്പോര്‍ട്ട് പറയുന്നു.
മുന്‍ ധനമന്ത്രി ക്വാസി ക്വാര്‍ട്ടെങ് സെപ്റ്റംബര്‍ 23ന് ഏകദേശം 45 ബില്യണ്‍ പൗണ്ട് സ്ഥിരവും ഫണ്ടില്ലാത്തതുമായ നികുതി വെട്ടിക്കുറവുകള്‍ പ്രഖ്യാപിച്ചു. വീട്ടുകാര്‍ക്കും ബിസിനസ്സുകള്‍ക്കുമുള്ള ഊര്‍ജ താരിഫ് പരിമിതപ്പെടുത്താനുള്ള ചെലവേറിയ പദ്ധതിയാണിത്. ഈ നീക്കം സ്റ്റെര്‍ലിംഗ്, ബോണ്ട് വിപണികളെ തളര്‍ച്ചയിലേക്ക് നയിക്കുകയും രാഷ്‌ട്രീയ പ്രതിസന്ധിക്ക് കാരണമാവുകയും ചെയ്തു. ക്വാര്‍ട്ടംഗിനെ പ്രധാനമന്ത്രി ട്രസ് പുറത്താക്കുന്നതിലേക്കും ഇത് നയിച്ചു, ആസൂത്രണം ചെയ്ത മിക്കവാറും എല്ലാ നികുതി വെട്ടിക്കുറവുകളും മാറ്റുകയും തുടര്‍ന്ന് ക്വാര്‍ട്ടെങ് രാജി പ്രഖ്യാപിക്കുകയും ചെയ്തു.
ബ്രിട്ടന്റെ പൊതു ധനകാര്യത്തില്‍ ആത്മവിശ്വാസം പുനഃസ്ഥാപിക്കാന്‍ ‘എന്തു വേണമെങ്കിലും’ ചെയ്യുമെന്ന് പുതിയ ധനമന്ത്രി ജെറമി ഹണ്ട് വ്യക്തമാക്കി. ഇടക്കാലത്തെ സാമ്ബത്തിക ഉല്‍പ്പാദനത്തിന്റെ ഒരു വിഹിതമായി പൊതുകടം കുറയ്‌ക്കാന്‍ ലക്ഷ്യമിട്ടുള്ള പദ്ധതി ഒക്ടോബര്‍ 31ന് അദ്ദേഹം പ്രഖ്യാപിക്കും.
