കുവൈത്ത്സിറ്റി: കള്ളനോട്ടുമായി രണ്ടുപേരെ ജനറല് ഡയറക്ടറേറ്റ് ഓഫ് ക്രിമിനല് ഇൻവെസ്റ്റിഗേഷൻ സംഘം പിടികൂടി. കള്ളനോട്ട് നിര്മിക്കുന്നതിന് ഉപയോഗിക്കുന്ന ഇലക്ട്രിക് മെഷീൻ, നോട്ടിന്റെ വലിപ്പവും നിറവുമുള്ള പേപ്പറുകള്, കള്ളനോട്ടുകള്, കൃത്രിമ വസ്തുക്കള് എന്നിവ ഇവരില്നിന്ന് പിടികൂടി.
പിടിയിലായവര് ആഫ്രിക്കൻ പൗരന്മാരാണ്.
പ്രതികളെയും പിടിച്ചെടുത്ത വസ്തുക്കളും നിയമനടപടികള്ക്കായി ബന്ധപ്പെട്ട അധികാരികള്ക്ക് കൈമാറി. നിയമവിരുദ്ധ പ്രവര്ത്തനങ്ങളില് ഏര്പ്പെടുന്നവര്ക്കായി സുരക്ഷാ വിഭാഗം നടത്തിയ തീവ്ര അന്വേഷണത്തിലാണ് പ്രതികള് പിടിയിലായത്.