വാഷിംഗ്ടണ്‍ : ഫെഡറേഷന്‍ ഓഫ് കേരള അസോസിയേഷന്‍സ്‌ ഇന്‍ നോര്‍ത്ത്‌ അമേരിക്ക (ഫൊക്കാന) യുടെ ഇരുപതാമത് അന്തര്‍ ദേശിയ കണ്‍വെന്‍ഷന്‍ കമ്മിറ്റിയുടെ കിക്ക് ഓഫ് വാഷിംഗ്ടണ്‍ ഡിസിയില്‍ ഫൊക്കാന പ്രസിഡന്‍റ് ഡോ. ബാബു സ്റ്റീഫന്‍റെ വസതിയില്‍ നടന്നു.
18 മുതല്‍ 20 വരെ ഗ്രേറ്റര്‍ വാഷിംഗ്ടണ്‍ ഡിസിയിലെ മാരിയറ്റ് മോണ്ട്ഗോമറി കൗണ്ടി കോണ്‍ഫ്രൻസ് സെന്‍റര്‍ ബെഥേസ്‌ഡേയില്‍ വച്ചാണ് കണ്‍വെൻഷൻ നടക്കുക. ഫൊക്കാനയുടെ അന്തര്‍ ദേശിയ കണ്‍വെന്‍ഷനുവേണ്ടിയുള്ള ഒരുക്കങ്ങള്‍ പുരോഗമിക്കുക്കുകയാണ് എന്ന് സംഘാടകര്‍ അറിയിച്ചു.
കണ്‍വെൻഷന് വമ്ബിച്ച പ്രതികരണമാണ്‌ ലഭിച്ചുകൊണ്ടിരിക്കുന്നതെന്ന്‌ ഫൊക്കാന പ്രസിഡന്‍റ് ഡോ. ബാബു സ്റ്റീഫൻ അഭിപ്രായപ്പെട്ടു.
കണ്‍വെൻഷൻ ഒരു ചരിത്ര വിജയമാക്കുക എന്നതാണ് ലക്ഷ്യമെന്നും കണ്‍വെൻഷൻ കമ്മിറ്റിയുടെ പ്രവര്‍ത്തങ്ങള്‍ വിലയിരുത്തുകയും കണ്‍വെൻഷൻ കുറ്റമറ്റതാക്കുകയും ആണ് ഈ കിക്ക്‌ഓഫിന്‍റെ ലക്ഷ്യമെന്നും സെക്രട്ടറി ഡോ. കല ഷഹി അറിയിച്ചു.
ഫൊക്കാനയുടെ ഇതുവരെ നടന്നിട്ടുള്ളതില്‍ വച്ച്‌ ഏറ്റവും വലിയ കണ്‍വെൻഷൻ ആയിരിക്കും അരങ്ങേറുന്നത്. പരിപാടി അവസ്മരണീയമാക്കാൻ പരമാവധി ശ്രമിക്കുമെന്ന് കണ്‍വെൻഷൻ ചെയര്‍ വിപിൻ രാജ് അഭിപ്രായപ്പെട്ടു.
മിക്ക കമ്മിറ്റി ചിയേര്‍സ്, ഡിസി ആര്‍വിപി ജോണ്‍സൻ തങ്കച്ചൻ, ലോക്കല്‍ അസോസിയേഷൻസ് പ്രസിഡന്‍റ് ആൻഡ് ടീം, കണ്‍വെൻഷൻ കണ്‍വീനര്‍ ജെയിംസ് ജോസഫ്, മുൻ പ്രസിഡന്‍റുമാരായ പോള്‍ കറുകപ്പള്ളില്‍, മാധവൻ പി. നായര്‍ തുടങ്ങി നിരവധി നേതാക്കള്‍ പങ്കെടുത്തു.
