ലണ്ടന്‍: ഇംഗ്ലണ്ടിലെ പല മികച്ച സ്‌കൂളുകളും നിലവാര തകര്‍ച്ചയിലാണെന്ന് ഓഫ്സ്റ്റഡിന്റെ കണ്ടെത്തല്‍. സുപ്രധാനമായ മാറ്റങ്ങള്‍ ഒന്നും തന്നെ ഇവിടങ്ങളില്‍ ഉണ്ടായിട്ടില്ല. പല സ്‌കൂളുകളിലും സമാന അവസ്ഥയാണ്.എന്നാല്‍ ഓഫ്സ്റ്റഡിന്റെ കണ്ടെത്തലുകള്‍ വിശ്വാസ യോഗ്യമല്ലെന്നാണ് നാഷണല്‍ എജ്യുക്കേഷന്‍ യൂണിയന്‍ പറയുന്നത്. ഈ സ്‌കൂളുകള്‍ മികച്ചതായി തന്നെ തുടരുന്നുവെന്നും നാഷണല്‍ എഡ്യൂക്കേഷന്‍ യൂണിയന്‍ വ്യക്തമാക്കി.
പരിശോധനയുടെ ഭാഗമായി കഴിഞ്ഞ വര്‍ഷം സന്ദര്‍ശിച്ച പല സ്‌കൂളുകളിലും ഇത്തവണയും പോയിരുന്നു. മികച്ച സ്‌കൂള്‍ പദവി ലഭിച്ച 80% സ്‌കൂളുകളെയും നിലവില്‍ തരംത്താഴ്ത്തിയിരിക്കുകയാണെന്നാണ് ഓഫ്സ്റ്റഡ് ചൂണ്ടിക്കാട്ടുന്നത്. കാലാനുസൃതമായി ഉണ്ടാകേണ്ട പല മാറ്റങ്ങളും ഇവയില്‍ ഉണ്ടാകുന്നില്ലെ ന്നും അവര്‍ പറയുന്നു. പരിശോധനയ്ക്ക് വിധേയമാകാതെ ധാരാളം സ്‌കൂളുകള്‍ നിലവില്‍ പ്രവര്‍ത്തിക്കുന്നുണ്ടെന്നും, അവയുടെ നിലവാരം എങ്ങനെയാണ് എന്നുള്ളത് പരിശോധന വിധേയമാണെന്നും ഓഫ്സ്റ്റഡ് ചീഫ് ഇന്‍സ്പെക്ടര്‍ അമന്‍ഡ സ്പില്‍മാന്‍ ബിബിസിയോട് പറഞ്ഞു. സ്‌കൂളുകളുടെ യാഥാര്‍ഥ്യം മാതാപിതാക്കള്‍ പ്രധാനമായും മനസിലാക്കണമെന്നും അവര്‍ കൂട്ടിച്ചേര്‍ത്തു.
എന്നാല്‍ സര്‍ക്കാര്‍ സ്‌കൂളുകള്‍ പതിവിലും നില മെച്ചപ്പെടുത്തി മുന്നേറികൊണ്ടിരിക്കുകയാണെന്ന് വിദ്യാഭ്യാസ വക്താവ് പ്രതികരിച്ചു. കഴിഞ്ഞ ആഴ്ചയിലെ ശരത്കാല പ്രസ്താവനയില്‍ വിദ്യാഭ്യാസ രംഗത്തിനു പ്രത്യേക പരിഗണന നല്‍കിയിട്ടുണ്ടെന്നും പറഞ്ഞ അദ്ദേഹം രാജ്യത്ത് സ്‌കൂളുകളില്‍ 85% മികച്ചതായി തുടരുകയാണ്. 2010 ലെ കണക്കുകളില്‍ നിന്ന് ഇത് വളരെ വലിയ വളര്‍ച്ചയാണെന്നും കൂട്ടിച്ചേര്‍ത്തു.
