കുവൈറ്റ് സിറ്റി: കുവൈറ്റിലെ വിവിധ പ്രദേശങ്ങളില് ഇടി മിന്നലോട് കൂടിയ മഴ തുടങ്ങി. ഇന്നലെ വൈകിട്ട് മുതല് കുവൈറ്റില് അനുഭവപ്പെടുന്ന അസ്ഥിരമായ കാലാവസ്ഥയുടെ തുടര്ച്ചയായാണ് മഴ തുടങ്ങിയതെന്ന് കാലാവസ്ഥ വിഭാഗം വ്യക്തമാക്കി.
ചില പ്രദേശങ്ങളില് മഴ മൂലം വെള്ളക്കെട്ട് രൂപപ്പെട്ടു. ഫര്വാനിയ, ജഹ്റ എന്നീ പ്രദേശങ്ങളില് ചില ഭാഗങ്ങളില് ഗതാഗതം തടസപ്പെട്ടു. നാളെയും ഇടിമിന്നലോട് കൂടിയ മഴ തുടരും. ദൃശ്യപരത കുറഞ്ഞ സാഹചര്യത്തില് വാഹനം ഓടിക്കുന്നവര് ജാഗ്രത പാലിക്കണമെന്നാണ് മുന്നറിയിപ്പ്. അടിയന്തര സാഹചര്യങ്ങളില് 112 എന്ന എമര്ജന്സി നമ്ബറിലൂടെ സഹായം തേടാമെന്നും അധികൃതര് വ്യക്തമാക്കി.