കുവൈത്ത് സിറ്റി: വാഹനങ്ങളില്‍ രൂപമാറ്റം വരുത്തുന്നതും ഉയര്‍ന്നശബ്ദം ഉണ്ടാക്കുന്നതിനായി കൃത്രിമത്വം നടത്തുന്നതും കണ്ടെത്തുന്നതിനുള്ള പരിശോധനകള്‍ തുടരുന്നു.
പബ്ലിക് സെക്യൂരിറ്റി സെക്ടര്‍, ജനറല്‍ ട്രാഫിക് ഡിപ്പാര്‍ട്മെന്റ്, ജനറല്‍ ഡയറക്‌ടറേറ്റ് എന്നിവയാണ് പരിശോധന നടത്തുന്നത്. ഇതിന്റെ ഫലമായി ശനിയാഴ്ച എക്‌സ്‌ഹോസ്റ്റില്‍ നിന്നുള്ള 133 ശബ്‌ദ ലംഘനങ്ങള്‍ക്കെതിരെ നടപടി എടുത്തു.
71 വാഹനങ്ങള്‍ പിടിച്ചെടുത്തു. നാല് സൈക്കിളുകളും പിടികൂടിയവയില്‍ ഉള്‍പ്പെടുന്നു. ഇത്തരം വാഹനങ്ങളും നിര്‍മാണ ഇടങ്ങളും കണ്ടെത്തുന്നതിനായി പരിശോധന നടന്നുവരുകയാണ്. നിരവധി വാഹനങ്ങള്‍ പിടിച്ചെടുക്കുകയും വര്‍ക് ഷോപ്പുകളും ഗാരേജുകളും അടച്ചുപൂട്ടുകയും ചെയ്തു.
