ലണ്ടന്: ബ്രിട്ടീഷ് രാജകുടുംബത്തിന്റെ പ്രൗഢിയായ കുതിരകളില് 14 എണ്ണത്തിനെ വില്ക്കാന് തീരുമാനിച്ച് ചാള്സ് രാജാവ്. ബ്രിട്ടീഷ് രാജ്ഞി എലിസബത്തിന് കുതിരകളോട് പ്രത്യേക ഇഷ്ടമായിരുന്നു. നൂറിലേറെ കുതിരകളാണ് രാജ്ഞിയുടെ ശേഖരത്തിലുള്ളത്. ഇതില് 14 എണ്ണത്തിനെ കയ്യൊഴിയാനാണ് ചാള്സിന്റെ തീരുമാനം.
മികച്ച ഓട്ടപന്തയ കുതിരകളാണ് ശേഖരത്തിലുള്ളതെല്ലാം. ലേലം ചെയ്താണ് 14 കുതിരകളെ വില്ക്കുക. രാജ്ഞിയുടെ കുതിരകളെന്ന നിലയില് ലേലത്തില് വന്തുക ലഭിക്കുമെന്നതും ചാള്സിന് നേട്ടമാകും. വിഖ്യാത പന്തയക്കുതിര വിദഗ്ദ്ധനായ സര് മൈക്കിള് സ്റ്റൗട്ട് പരിശീലിപ്പിച്ച ജസ്റ്റ് ഫൈന് എന്ന പേരുള്ള കുതിരയാണ് നൂറെണ്ണത്തില് ഏറെ പ്രശസ്തമായത്.