ഫിഫ ലോകകപ്പ് ഖത്തര് 2022-നോടനുബന്ധിച്ചുള്ള സുല്ത്താനേറ്റ് ഓഫ് ഒമാന്സ് പ്രോഗ്രാമിന്റെ ഭാഗമായി ഫുട്ബോള് ആരാധകര്ക്കായി ഫെസ്റ്റിവല് സംഘടിപ്പിക്കും. 2022 നവംബര് 20 മുതല് ഡിസംബര് 18 വരെ തലസ്ഥാനമായ മസ്കറ്റില് ഒമാന് കണ്വെന്ഷന് ആന്ഡ് എക്സിബിഷന് സെന്ററിലാണ് ഫെസ്റ്റ് സംഘടിപ്പിക്കുന്നത്. എല്ലാ ലോകകപ്പ് മത്സരങ്ങളുടെയും തത്സമയ സ്ട്രീമിംഗും നിരവധി ആവേശകരമായ പരിപാടികളും പ്രവര്ത്തനങ്ങളും ഉള്കൊള്ളുന്നതാകും ഫെസ്റ്റ്.
സന്ദര്ശകര്ക്ക് സമ്മാനങ്ങളും പ്രോത്സാഹനങ്ങളും നേടാനാകുന്ന കലാപരമായ പ്രകടനങ്ങള്, സംവേദനാത്മക ഗെയിമുകള്, ആവേശകരമായ മത്സരങ്ങള് എന്നിവയുള്പ്പെടെ വിവിധ പരിപാടികള് ഫെസ്റ്റിവല് അവതരിപ്പിക്കും. പ്രാദേശികവും അന്തര്ദേശീയവുമായ റെസ്റ്റോറന്റുകള്ക്കായി ഒരു സെക്ഷന് തെന്ന് മാറ്റിവെച്ചിട്ടുണ്ട്. ലോകകപ്പ് ഈ മേഖലയില് ഇതുവരെ നടന്നിട്ടുള്ളതില് വച്ച് ഏറ്റവും പ്രധാനപ്പെട്ട കായിക ഇനമാണെന്ന് ഒമാനി പൈതൃക ടൂറിസം മന്ത്രാലയത്തിന്റെ അണ്ടര്സെക്രട്ടറിയും ഫിഫ ലോകകപ്പ് ഖത്തറിനൊപ്പമുള്ള ഒമാന്റെ പരിപാടിയുടെ സ്റ്റിയറിംഗ് കമ്മിറ്റി ചെയര്മാനുമായ അസ്സാന് ബിന് ഖാസിം അല് ബുസൈദി പറഞ്ഞു.