ഒമാൻ എയര്‍ ഒക്ടോബര് ഒന്ന് മുതല്‍ തിരുവനന്തപുരത്ത് നിന്ന് മസ്‌കറ്റിലേക്ക് നേരിട്ടുള്ള വിമാന സര്‍വീസ് പുനരാരംഭിക്കുന്നു.
ഞായര്‍, ബുധൻ, വ്യാഴം, ശനി ദിവസങ്ങളിലാണ് സര്‍വീസ്. ഞായര്‍, ബുധൻ ദിവസങ്ങളില്‍ 07:45-ന് എത്തി 08:45-ന് പുറപ്പെടും. വ്യാഴാഴ്ചകളില്‍ ഉച്ചയ്ക്ക് 01: 55ന് എത്തി വൈകീട്ട് 04: 10ന് പുറപ്പെടും. ശനിയാഴ്ചകളില്‍, ഉച്ചയ്ക്ക് 02:30ന് എത്തി 03:30ന് പുറപ്പെടും.
162 പേര്‍ക്ക് യാത്ര ചെയ്യാവുന്ന ബോയിംഗ് 737 വിമാനങ്ങളാണ് സര്‍വീസ് നടത്തുക. തിരുവനന്തപുരം-മസ്കറ്റ് സെക്ടറിലെ രണ്ടാമത്തെ വിമാനക്കമ്ബനിയാണ് ഒമാൻ എയര്‍. എയര്‍ ഇന്ത്യ എക്‌സ്‌പ്രസ് ഈ റൂട്ടില്‍ പ്രതിദിന സര്‍വീസുകള്‍ നടത്തുന്നുണ്ട്.
നിലവില്‍ പ്രതിദിനം ശരാശരി 12000 പേരാണ് തിരുവനന്തപുരം വിമാനത്താവളം വഴി യാത്ര ചെയ്യുന്നത്.
