ജിദ്ദ: രാജ്യത്തെ കച്ചവട സ്ഥാപനങ്ങളില് ഡിസംബര് നാലിന് ശേഷം ഇലക്ട്രോണിക് ബില്ലിങ് രീതി നടപ്പാക്കാത്തവര്ക്ക് ആദ്യ ഘട്ടത്തില് 5,000 റിയാല് പിഴ ചുമത്തും.
കൃത്രിമത്വം കാണിക്കുന്നവര്ക്ക് 10,000 റിയാലാണ് പിഴ. ഡിസംബര് നാലിന് ശേഷം ഇതു കണ്ടെത്താന് പരിശോധനയുണ്ടാകും. സൗദിയിലെ സകാത്ത്-ടാക്സ് ആന്ഡ് കസ്റ്റംസ് അതോറിറ്റിയാണ് പരിശോധനക്ക് നേതൃത്വം നല്കുക. നേരത്തെ പ്രഖ്യാപിച്ച തീരുമാനം അനുസരിച്ച് ഡിസംബര് നാലിനകം ഇലക്ട്രോണിക്സ് ബില്ലിങ് രീതി നടപ്പാക്കണം. ഈ തീയതിക്ക് ശേഷം പേന കൊണ്ടെഴുതിയ കടലാസ് ബില്ലുകള്ക്ക് നിയമ സാധുതയുണ്ടാകില്ല.
സ്ഥാപനങ്ങളിലെ ഇലക്ട്രോണിക് ബില്ലുകളില് ക്യു.ആര് കോഡ്, നികുതി വിവരങ്ങള് എന്നിവ ഉണ്ടായിരിക്കണം. ഇലക്ട്രോണിക് ബില്ലിങ് സംവിധാനം നടപ്പാക്കത്ത സ്ഥാപനങ്ങള്ക്ക് ആദ്യ തവണ 5,000 റിയാലാണ് പിഴ. വീണ്ടും പിടിക്കപ്പെട്ടാല് പിഴ ഇരട്ടിക്കും. ഇലക്ട്രോണിക് ബില്ലിങ്ങില് കൃത്രിമത്വം കാണിച്ചാല് 10,000 റിയാലാണ് പിഴ. പിന്നീട് പിഴ ഇരട്ടിക്കുകയും ജയില് ശിക്ഷക്ക് വരെ കാരണമാവുകയും ചെയ്യും
ഡിസംബര് നാലിന് ശേഷം പരിശോധനക്ക് അതോറിറ്റി പ്രത്യേക സംഘത്തെ നിശ്ചയിക്കും. സെയില്സ് വാനുകളിലൂടെയുള്ള വില്പനക്കും ഇലക്ട്രോണിക് ബില്ലിങ്ങ് നിര്ബന്ധമാണ്. പുതിയ രീതി നടപ്പാകുന്നതോടെ നികുതി വെട്ടിപ്പ് തടയാനാകുമെന്നാണ് അതോറിറ്റിയുടെ പ്രതീക്ഷ. നേരത്തെ മൂല്യവര്ധിത നികുതി (വാറ്റ്) ബില്ലിങ് സ്ഥാപനങ്ങളില് നടപ്പാക്കിയിരുന്നു. വാറ്റ് കാണിക്കുന്ന ബില്ലിങ് ഇല്ലാത്ത സ്ഥാപനങ്ങള്ക്ക് 10,000 റിയാലാണ് കുറഞ്ഞ പിഴ. വാറ്റില് കൃത്രിമത്വം കാണിച്ചാല് കുറ്റത്തിനനുസരിച്ച് 10 ലക്ഷം റിയാല് വരെ പിഴ ഈടാക്കും.