കുവൈത്ത്സിറ്റി: പുതുവത്സരാഘോഷത്തില് രാജ്യത്ത് രേഖപ്പെടുത്തിയത് 2,523 നിയമ ലംഘനങ്ങള്. വിവിധ വകുപ്പുകള് സംയുക്തമായി നടത്തിയ പരിശോധനയിലാണ് ലംഘനങ്ങള് കണ്ടെത്തിയത്.
പുതുവത്സര അവധിദിനങ്ങളില് രാജ്യത്ത് സുരക്ഷ ശക്തമാക്കുന്നതിന്റെ ഭാഗമായി കര്ശന പരിശോധനകളാണ് നടന്നത്.
രാജ്യത്തെ വ്യാപാര മാളുകള്, പ്രധാന ഹൈവേകള്, നിരത്തുകള്, പൊതു ഇടങ്ങള് എന്നിവിടങ്ങളിലായി 1,950 ഉദ്യോഗസ്ഥരെ വിന്യസിച്ചിരുന്നു.
പൊലീസ് പട്രോളിങ് സംഘവും സജീവമായിരുന്നു. അക്രമ സാധ്യതകളും നിയമലംഘനങ്ങളും ഒഴിവാക്കുന്നതിനായാണ് സുരക്ഷാ ഉദ്യോഗസ്ഥരെ വിന്യസിച്ചത്. ഇതു സംബന്ധിച്ച് ഉപപ്രധാനമന്ത്രിയും ആഭ്യന്തര മന്ത്രിയുമായ ശൈഖ് തലാല് കര്ശന നിര്ദേശം നല്കിയിരുന്നു. താമസ, തൊഴില് നിയമങ്ങള് ലംഘിച്ചവരും പിടികൂടിയവരില് ഉള്പ്പെടും.