പുതിയ അന്തര്‍വാഹിനി ഫൈബര്‍ ഒപ്റ്റിക് കേബിള്‍ ഉപയോഗിച്ച്‌ യു.എ.ഇയേയും ഒമാനെയും ബന്ധിപ്പിക്കുന്നു. ‘ഗേറ്റ് ഓഫ് ഒമാന്‍ ആന്‍ഡ് എമിറേറ്റ്‌സ്’ എന്നാണ് പദ്ധിക്ക് പേര് നല്‍കിയിരിക്കുന്നത്.
എമിറേറ്റ്‌സ് ഇന്റഗ്രേറ്റഡ് ടെലികമ്മ്യൂണിക്കേഷന്‍സ് കമ്ബനിയുടെ അനുബന്ധ സ്ഥാപനമായ ഡു പദ്ധതിക്ക് നേതൃത്വം നല്‍കുന്നത്. ഇരുരാജ്യങ്ങളേയും ബന്ധിപ്പിക്കുന്ന 275 കിലോമീറ്റര്‍ നീളത്തിലുള്ള അന്തര്‍ദേശീയ അന്തര്‍വാഹിനി ഫൈബര്‍ ഒപ്റ്റിക് കേബിള്‍ ആണ് പ്രവര്‍ത്തനക്ഷമമാക്കാന്‍ ഒരുങ്ങുന്നത്.
ഡാറ്റയുടെ വര്‍ദ്ധിച്ചുവരുന്ന ആവശ്യം നിറവേറ്റുന്നതിനും വേഗത വര്‍ദ്ധിപ്പിക്കുന്നതിനും ശേഷി വിപുലപ്പെടുത്തുന്നതിനുമാണ് പുതിയ നൂതന പദ്ധതിയിലൂടെ ലക്ഷ്യമിടുന്നത്.
