മസ്കത്ത്: ലൈസൻസില്ലാതെ വാണിജ്യ പ്രവര്ത്തനങ്ങളിലേര്പ്പെട്ട പ്രവാസികളെ മസ്കത്ത് മുനിസിപ്പാലിറ്റി പിടികൂടി. ബൗഷര് വിലായത്തില്നിന്നാണ് ഇവരെ പിടികൂടിയത്. പൊതുസ്ഥലത്ത് അനധികൃതമായി പച്ചക്കറിയടക്കമുള്ള സാധനങ്ങളായിരുന്നു ഇവര് വിറ്റിരുന്നത്. ഉപഭോക്തൃ സംരക്ഷണ അതോറിറ്റിയുടെയും റോയല് ഒമാൻ പൊലീസിന്റെയും സഹകരണത്തോടെ നടത്തിയ പരിശോധനയിലാണ് ഇവരെ അറസ്റ്റ് ചെയ്യുന്നത്.
തൊഴിലാളികള് നഗരസ്വഭാവം കണക്കിലെടുക്കാതെയും ആരോഗ്യ വ്യവസ്ഥകള് പാലിക്കാതെയുമായിരുന്നു കച്ചവടത്തില് ഏര്പ്പെട്ടിരുന്നതെന്ന് മസ്കത്ത് മുനിസിപ്പാലിറ്റി പ്രസ്താവനയില് പറഞ്ഞു.