കുവൈത്ത് സിറ്റി: ഫഹാഹീല് ഇസ്ലാഹി മദ്റസ വാര്ഷിക പരീക്ഷയിലെ റാങ്ക് ജേതാക്കള്ക്കുള്ള അവാര്ഡ്ദാനം, ഏഴാം ക്ലാസ് പൂര്ത്തിയാക്കിയ വിദ്യാര്ഥികള്ക്കുള്ള സര്ട്ടിഫിക്കറ്റ് വിതരണം, എട്ടാം ക്ലാസ് പൂര്ത്തിയാക്കിയ വിദ്യാര്ഥികള്ക്കുള്ള മെമന്റോ വിതരണം എന്നിവ സംഘടിപ്പിച്ചു. പരിപാടിയുടെ ഭാഗമായി രക്ഷിതാക്കളുടെ സംഗമവും നടന്നു.
കുവൈത്ത് കേരള ഇസ്ലാഹി സെൻറര് ജനറല് സെക്രട്ടറി സുനാഷ് ഷുക്കൂര് ഉദ്ഘാടനം ചെയ്തു. പി.ടി.എ പ്രസിഡന്റ് സിറാജ് കാലടി അധ്യക്ഷത വഹിച്ചു. ഡോ. മുഹമ്മദ് അലി, നൈസാം, റഫീഖ് അബ്ദുല്ല, പി.പി.ഷഫീഖ്, അനിലാല് ആസാദ്, നസീര് മംഗഫ്, സാദിഖ്, വി.എം. ശരീഫ് എന്നിവര് സമ്മാനദാനം നിര്വഹിച്ചു. മദ്റസ സദര് സാജു ചെമ്മനാട് സ്വാഗതവും, ഫൈസല് മണിയൂര് നന്ദിയും രേഖപ്പെടുത്തി.
വിദ്യാര്ഥികള്, രക്ഷിതാക്കള്, അധ്യാപകര്, സ്റ്റാഫ് അംഗങ്ങള്, കിസ്വ – കെ.കെ.ഐ.സി ഏരിയ ഭാരവാഹികള് എന്നിവര് പരിപാടിയില് പങ്കെടുത്തു.28 വര്ഷം പിന്നിടുന്ന ഫഹാഹീല് ഇസ്ലാഹി മദ്റസ ഫഹാഹീല് ദാറുല് ഖുര്ആനില് വെള്ളി, ശനി ദിവസങ്ങളിലാണ് പ്രവര്ത്തിക്കുന്നത്.