ഒമാനില് നിര്മാണത്തിലിരുന്ന കെട്ടിടം തകര്ന്ന് പ്രവാസി തൊഴിലാളി മരിച്ചു. ഒരാളെ രക്ഷിച്ചു. ഇബ്രി വിലായത്തില് കഴിഞ്ഞ ദിവസമായിരുന്നു സംഭവം.
അപകടത്തെക്കുറിച്ചുള്ള കൂടുതല് വിവരങ്ങള് ലഭ്യമായിട്ടില്ല. സിവില് ഡിഫൻസ് ആൻഡ് ആംബുലൻസ് അതോറിറ്റിയിലെ അംഗങ്ങള് എത്തിയാണ് മരിച്ച തൊഴിലാളിയുടെ മൃതദേഹം അവശിഷ്ടങ്ങളില്നിന്ന് പുറത്തെടുത്തത്. രക്ഷിച്ചയാള്ക്ക് പ്രാഥമിക പരിചരണം നല്കി വിദഗ്ധ ചികിത്സക്ക് ആശുപത്രിയില് പ്രവേശിപ്പിക്കുകയും ചെയ്തു.
ഉബര് ടാക്സി ആപ്പ് ഇനി ഒമാന് ടാക്സി എന്നപേരില് അറിയപ്പെടും. പേര് മാറ്റത്തിന് അനുമതി നല്കി ഒമാന് ഗതാഗത, വാര്ത്തവിനിമയ, വിവരസാങ്കേതിക മന്ത്രാലയം കഴിഞ്ഞ ദിവസമാണ് ഉബര് സ്മാര്ട്ട് സിറ്റീസ് എല്.എല്.സിയുടെ അനുമതി നല്കിയത്. അനധികൃത ടാക്സികള് നിയന്ത്രിക്കുന്നതിന്റെ ഭാഗമായി പൊതു ടാക്സികള് അടുത്തമാസം ഒന്നിനുമുമ്ബ് അംഗീകൃത ആപ്ലിക്കേഷനുകളില് രജിസ്റ്റര് ചെയ്യണമെന്ന് കഴിഞ്ഞദിവസം അധികൃതര് നിര്ദേശം നല്കിയിരുന്നു.