ഇന്ത്യൻ പ്രധാനമന്ത്രി നരേന്ദ്ര മോദിയുടെ സന്ദേശം ഒമാൻ ഭരണാധികാരി സുല്ത്താൻ ഹൈതം ബിൻ താരിഖിന് കൈമാറി. ദേശീയ സുരക്ഷ ഉപദേഷ്ടാവ് അജിത് ഡോവലല്ന്റെ ഒമാൻ സന്ദര്ശനത്തിന്റെ ഭാഗമായി അല് ബര്ക്ക കൊട്ടാരത്തില് നടന്ന കൂടിക്കാഴ്ചയിലാണ് ഇന്ത്യൻ പ്രധാനമന്ത്രിയുടെ സന്ദേശം സുല്ത്താന് കൈമാറിയത്.
ഇരുരാജ്യങ്ങളും തമ്മിലുള്ള ഉഭയകക്ഷി ബന്ധത്തിന്റെ പശ്ചാത്തലത്തില് സഹകരണത്തിന്റെ വിവിധ വശങ്ങള് കൈകാര്യം ചെയ്യുന്നതാണ് സന്ദേശം.
അജിത് ഡോവല് ഒമാൻ വിദേശകാര്യ മന്ത്രി സയ്യിദ് ബദര് ഹമദ് അല് ബുസൈദിയുമായും കൂടിക്കാഴ്ച നടത്തി. ഇരു രാജ്യങ്ങളും തമ്മിലുള്ള തന്ത്രപരമായ ബന്ധത്തെക്കുറിച്ചും സാങ്കേതിക, സൈനിക, ഖനന മേഖലകളിലെ സഹകരണത്തിന്റെ വശങ്ങളെക്കുറിച്ചും ഇരുവരും ചര്ച്ച ചെയ്തു.