![](https://dd7kkoi8wt4b5.cloudfront.net/wp-content/uploads/2024/01/08031212/Screenshot_20231202_124904_Chrome-2.jpg)
മസ്കത്ത്: സാങ്കേതിക തകരാറിനെത്തുടർന്ന് ഒമാൻ എയറിന്റെ വിമാനം മിലാൻ വിമാനത്താവളത്തില് വ്യാഴാഴ്ച തിരിച്ചിറക്കിയതായി അധികൃതർ വ്യക്തമാക്കി.
മിലാനില്നിന്ന് മസ്കത്തിലേക്ക് പുറപ്പെട്ട ഡബ്ല്യു.വൈ 144 വിമാനമാണ് പറന്നുയർന്നുടനെതന്നെ മിലാൻ മാല്പെൻസ വിമാനത്താവളത്തില് തിരിച്ചിറക്കിയത്.
എല്ലാ ജീവനക്കാരും യാത്രക്കാരും സുരക്ഷിതരാണ്. യാത്രക്കാർക്ക് ഹോട്ടലുകളില് താമസ സൗകര്യം ഒരുക്കുകയും ഇതര വിമാനങ്ങള് ക്രമീകരിക്കാനുള്ള ശ്രമങ്ങള് നടത്തുകയും ചെയ്തുവെന്നും ഒമാൻ എയർ പ്രസ്താവനയില് പറഞ്ഞു.