മസ്കത്ത്: തങ്ങളുടെ രാജ്യം നല്കിയ സാധുവായ ലൈസന്സ് ഉപയോഗിച്ച് എല്ലാ വിദേശ സന്ദര്ശകര്ക്കും വിനോദസഞ്ചാരികള്ക്കും ഒമാനില് വാഹനമോടിക്കാന് അനുമതിയുണ്ടെന്ന് റോയല് ഒമാന് പൊലീസ് (ആര്.ഒ.പി) അറിയിച്ചു.
റോയല് ഒമാന് പൊലീസിനെ ഉദ്ധരിച്ച് പ്രാദേശിക പത്രമാണ് ഇക്കാര്യം റിപ്പോര്ട്ട് ചെയ്തത്. ഏതൊരു സന്ദര്ശകനും വിദേശ ലൈസന്സ് ഉപയോഗിച്ച് സുല്ത്താനേറ്റില് പ്രവേശിച്ച തീയതി മുതല് മൂന്ന് മാസം വരെ വാഹനമോടിക്കാമെന്ന് റോയല് ഒമാന് പൊലീസിലെ ഉദ്യോഗസ്ഥര് പറഞ്ഞു.
തീരുമാനം രാജ്യത്തെ ടൂറിസം രംഗത്തിന് ഗുണം ചെയ്യുമെന്നാണ് വിവിധ മേഖലയിലുള്ളവര് പറയുന്നത്.