കുവൈത്ത് സിറ്റി: കുവൈത്തിലെ സ്വകാര്യ ആതുരാലയ മേഖലയിലെ പ്രമുഖരായ മെട്രോ മെഡിക്കല്‍ ഗ്രൂപ്പിന്റെ കോർപറേറ്റ് ഓഫിസ് ഉദ്ഘാടനം ചെയ്തു.
കുവൈത്തിലെ വിവിധ രാജ്യങ്ങളുടെ സ്ഥാനപതിമാർ, മെട്രോ മെഡിക്കല്‍ ഗ്രൂപ് ചെയർമാനും സി.ഇ.ഒയുമായ മുസ്തഫ ഹംസ, മാനേജിങ് പാർട്ണർമാരായ ഇബ്രാഹിം കുട്ടി, ഡോ.ബിജി ബഷീർ, മെഡിക്കല്‍ ഡയറക്ടർമാർ, മാനേജ്മെന്റ് അംഗങ്ങള്‍ എന്നിവരും പങ്കെടുത്തു.
ദജീജില്‍ 24,000 സ്‌ക്വയർ ഫീറ്റില്‍ വിപുലമായ സൗകര്യത്തോടുകൂടിയാണ് കോർപറേറ്റ് ഓഫിസ്. ഓപറേഷൻസ്, ഹ്യൂമൻ റിസോഴ്സ്, മാർക്കറ്റിങ്, അക്കൗണ്ട്സ്, ഇൻഷുറൻസ്, അഡ്മിനിസ്ട്രേഷൻ, ഗസ്റ്റ് റിലേഷൻ തുടങ്ങിയ ഡിപാർട്മെന്റുകള്‍ ഇവിടെ പ്രവർത്തിക്കുന്നു. മെട്രോ മെഡിക്കല്‍ ഗ്രൂപ്പിന്റെ എല്ലാ പ്രവർത്തനങ്ങളും ഇനി നിയന്ത്രിക്കപ്പെടുന്നത് പുതിയ കോർപറേറ്റ് ഓഫിസില്‍നിന്നായിരിക്കുമെന്ന് മാനേജ്മെന്റ് അറിയിച്ചു.
ജി.സി.സി അടക്കമുള്ള മറ്റു രാജ്യങ്ങളിലേക്കു പ്രവർത്തനമേഖല വ്യാപിപ്പിക്കുന്നതിന്റെ ഭാഗമായാണ് ഇതെന്നു മെട്രോ മെഡിക്കല്‍ ഗ്രൂപ് ചെയർമാനും സി.ഇ.ഒയുമായ മുസ്തഫ ഹംസ അറിയിച്ചു. മെഡിസിൻ, മെഡിക്കല്‍ എക്യുപ്മെന്റ് തുടങ്ങി വിവിധ മേഖലകളില്‍ ഇറക്കുമതിയും വിതരണവും വൈകാതെ തുടങ്ങുമെന്നും അറിയിച്ചു. കുവൈത്തിലെ സാമൂഹിക, സാംസ്കാരിക രംഗത്തെയും നാനാ തുറകളിലുള്ള മറ്റു വ്യക്തിത്വങ്ങളും ഉദ്ഘാടന ചടങ്ങില്‍ പങ്കാളികളായി.
