മസ്കത്ത്: ദാഖിലിയ ഗവര്ണറേറ്റില്നിന്ന് കാണാതായ സ്വദേശി വനിതയെ കണ്ടെത്താന് തിരച്ചില് ഊര്ജിതമാക്കി അധികൃതര്. ഇസ്കിയില്നിന്ന് ഈ മാസം മൂന്നിനാണ് ഹമീദ ബിന്ത് ഹമ്മൂദ് അല് അമ്രിയെന്ന 57കാരിയെ കാണാതായത്. വീട്ടില്നിന്ന് ഇറങ്ങിയ ഇവര് പിന്നീട് തിരിച്ചുവന്നിട്ടില്ല. ഇവരെ കുറിച്ച് എന്തെങ്കിലും അറിയുന്നവര് 9999 നമ്ബറിലുള്ള പൊലീസ് ഓപറേഷന്സ് സെന്ററുമായോ അടുത്തുള്ള പൊലീസ് സ്റ്റേഷനുമായോ ബന്ധപ്പെടണമെന്ന് റോയല് ഒമാന് പൊലീസ് അറിയിച്ചിട്ടുണ്ട്.
സിവില് ഡിഫന്സ് ആന്ഡ് ആംബുലന്സ് വിഭാഗം ബന്ധപ്പെട്ട വകുപ്പുകളുടെയും മറ്റും സഹായത്തോടെയാണ് തിരച്ചില് നടത്തുന്നത്. പൊലീസ് നായ്ക്കളെ അടക്കം ഉപയോഗിച്ചാണ് തിരച്ചില് നടത്തുന്നത്. നാട്ടുകാരും തിരച്ചിലില് പങ്കാളികളാകുന്നുണ്ട്.