വാഷിങ്ടണ്: ഇന്ത്യന് നിര്മ്മിത കോവിഷീല്ഡ് വാക്സിന്റെ രണ്ട് ഡോസാണ് താന് സ്വീകരിച്ചിരിക്കുന്നതെന്ന് യു.എന് ജനറല് അസംബ്ലി പ്രസിഡന്റ് അബ്ദുല്ല ഷാഹിദ്.
“ഇന്ത്യ നിര്മ്മിച്ച കോവിഷീല്ഡ് വാക്സിനാണ് സ്വീകരിച്ചത്. ലോകത്തെ മറ്റ് പല രാജ്യങ്ങളും ഇതേ വാക്സിനാണ് ഉപയോഗിക്കുന്നത്.വാക്സിനെ കുറിച്ച് നിരവധി സാങ്കേതിക ചോദ്യങ്ങള് നിങ്ങള്ക്ക് എന്നോട് ചോദിക്കാനുണ്ടാവും. ഞാന് ഇന്ത്യയില് നിന്നും കോവിഷീല്ഡ് വാക്സിനാണ് സ്വീകരിച്ചിരിക്കുന്നത്. എത്ര രാജ്യങ്ങള് വാക്സിന് അംഗീകരിച്ചുവെന്ന് അറിയില്ല. പക്ഷേ ഭൂരിപക്ഷം രാജ്യങ്ങള്ക്ക് ലഭിച്ച് കോവിഷീല്ഡാണ് .” യു.എന് ജനറല് അസംബ്ലി പ്രസിഡന്റ് പറഞ്ഞു.
ആസ്ട്രസെനിക്ക വികസിപ്പിച്ചെടുത്ത വാക്സിന് ‘കോവിഷീല്ഡ്’ എന്ന പേരിലാണ് ഇന്ത്യയില് നിര്മ്മിക്കുന്നത്. 66 മില്യണ് ഡോസ് വാക്സിന് ഇതുവരെ നൂറോളം രാജ്യങ്ങളിലേക്ക് കയറ്റി അയച്ചിട്ടുണ്ട്. അബ്ദുല്ല ഷാഹിദിന്റെ സ്വദേശമായ മാലിദ്വീപിലേക്ക് 3.12 ലക്ഷം ഡോസ് വാക്സിന് ഇന്ത്യ കയറ്റുമതി ചെയ്തിട്ടുണ്ട് .