കുവൈത്ത്; കുവൈത്തില് സര്ക്കാര് വിദ്യാലയങ്ങളില് നേരിട്ടുള്ള അധ്യയനം ആരംഭിച്ചു.സാമൂഹിക അകലം പാലിക്കുന്നത് ഉള്പ്പെടെ ആരോഗ്യ മാര്ഗനിര്ദേശങ്ങള് പാലിച്ചാണ് ക്രമീകരണം.ഒന്നിടവിട്ട ദിവസങ്ങളിലാണ് ഓരോ വിദ്യാര്ഥിക്കും ഇപ്പോള് ക്ലാസ്.വിദ്യാര്ഥികളെയും ജീവനക്കാരെയും സന്ദര്ശകരെയും ശരീരതാപനില പരിശോധന നടത്തിയാണ് ക്ലാസ്മുറികളില് പ്രവേശിപ്പിച്ചത്.
നേരിട്ടുള്ള ക്ലാസുകള്ക്ക് വിദ്യാഭ്യാസ മന്ത്രാലയം അനുമതി നല്കിയിട്ടുണ്ടെങ്കിലും രക്ഷിതാക്കള്ക്ക് ഓണ്ലൈന് രീതി തുടരണം എന്നുണ്ടെങ്കില് അതിനുള്ള അവസരവും വിദ്യാഭ്യാസ മന്ത്രാലയം നല്കിയിട്ടുണ്ട്.നേരത്തെ വിലയിരുത്തിയപോലെ സ്കൂള് തുറക്കുന്നതോടെ ഗതാഗതക്കുരുക്ക് രൂക്ഷമായി. കഴിഞ്ഞയാഴ്ച സ്വകാര്യ സ്കൂളുകള് തുറന്നപ്പോള്തന്നെ ഗതാഗതക്കുരുക്ക് രൂക്ഷമായിരുന്നു.