കുവൈത്തില് അടുത്ത വര്ഷം വര്ക്ക് പെര്മിറ്റ് ഫീസ് നിരക്ക് വര്ധിപ്പിക്കും.ഇതുസംബന്ധിച്ച് പഠിക്കാന് മന്ത്രിസഭ മാന്പവര് പബ്ലിക് അതോറിറ്റിയെ ചുമതലപ്പെടുത്തി.
വിസക്കച്ചവടവും അവിദഗ്ധ തൊഴിലാളികളുടെ ആധിക്യവും തടയാന് വര്ക്ക് പെര്മിറ്റ് സംവിധാനം പൊളിച്ചെഴുതുന്നത് സംബന്ധിച്ചും പഠനം നടത്തും. 2022 അവസാന പാദത്തിലാണ് നിര്ദേശം നടപ്പാക്കാന് ലക്ഷ്യമിടുന്നത്.
ഓരോ തൊഴില് മേഖലയിലും സ്വദേശികള്ക്കും വിദേശികള്ക്കും അനുപാതം നിശ്ചയിക്കാന് പദ്ധതിയുണ്ട്. സ്വകാര്യ മേഖലയിലെ സ്വദേശി അനുപാതം വര്ധിപ്പിക്കാനും നീക്കമുണ്ട്. 2022 തുടക്കത്തില് അഞ്ച് ശതമാനമായും ക്രമേണ വര്ധിപ്പിച്ച് 20 ശതമാനത്തിലെത്തിക്കാനുമാണ് നീക്കം. സ്വകാര്യ മേഖലയില് ജോലിക്ക് കയറാന് സ്വദേശികള് വിമുഖത കാണിക്കുന്ന അവസ്ഥയില് ഇത് എത്രത്തോളം പ്രായോഗികമാകും എന്ന് സംശയമുണ്ട്.