മസ്കത്ത്: തലസ്ഥാനനഗരിയിലെ എല്ലാ ഇന്ത്യന്‍ സ്കൂളുകളും ഞായറാഴ്ച മുതല്‍ തുറന്നു പ്രവര്‍ത്തിക്കും. നീണ്ട ഇടവേളക്ക് ശേഷം ഇൗ മാസം മൂന്നിന് തലസ്ഥാനനഗരിയിലെ ഇന്ത്യന്‍ സ്കൂളുകള്‍ തുറന്ന് പ്രവര്‍ത്തിക്കേണ്ടതായിരുന്നു. എന്നാല്‍, ഷഹീന്‍ ചുഴലിക്കാറ്റ് ഭീഷണി കാരണം സ്കൂള്‍ തുറക്കുന്നത് ഒരാഴ്ചത്തേക്ക് നീട്ടുകയായിരുന്നു. ഞായറാഴ്ച മുതല്‍ സ്കൂളുകള്‍ തുറന്ന് പ്രവര്‍ത്തിക്കുന്നതിന് അധികൃതര്‍ തകൃതിയായ ഒരുക്കങ്ങളാണ് നടത്തുന്നത്. മസ്കത്ത്, അല്‍ ഖുബ്റ ഇന്ത്യന്‍ സ്കൂളുകളില്‍ 12ാം ക്ലാസ് മാത്രമാണ് ഇപ്പോള്‍ തുറന്ന് പ്രവര്‍ത്തിക്കുന്നത്. വാദി കബീര്‍, ദാര്‍സൈത്ത് ഇന്ത്യന്‍ സ്കൂളുകളില്‍ 10, 12 ക്ലാസുകളാണ് ഞായറാഴ്ച മുതല്‍ ആരംഭിക്കുന്നത്. അല്‍ ഗുബ്റ ഇന്‍റര്‍നാഷനല്‍ സ്കൂളില് ഒമ്ബത് മുതല്‍ 12വരെ പത്താം തീയതി മുതല്‍ പ്രവര്‍ത്തിക്കും. ഇൗ ക്ലാസുകളിലെ എല്ലാ കുട്ടികള്‍ക്കും ഒാഫ്ലൈന്‍ സംവിധാനമാണ് ഒരുക്കുന്നത്.
അല്‍ ഖുബ്റ ഇന്ത്യന്‍ സ്കൂളില് ആഴ്ചയില്‍ അഞ്ച് ദിവസവും 12ാം ക്ലാസിലെ മുഴുവന്‍ കുട്ടികള്‍ക്കും സ്കൂളില് ക്ലാസുകള്‍ നടത്തും. 20 കുട്ടികളെ ഒരു മുറിയിലും മറ്റുള്ളവരെ മറ്റൊരു മുറിയിലുമാണ് ഇരുത്തുക. ഒരു വിഭാഗത്തിന് നേരിട്ട് ക്ലാസുകള്‍ നടത്തുകയും ബാക്കിയുള്ളവരെ മറ്റൊരു മുറിയില്‍ സ്മാര്‍ട്ട് ബോര്‍ഡുകള്‍ വഴി ക്ലാസുമായി ബന്ധിപ്പിക്കുകയുമാണ് ചെയ്യുക. ഇവരെ നിരീക്ഷിക്കാന്‍ പ്രത്യേകം അധ്യാപകരെയും നിയോഗിച്ചിട്ടുണ്ട്. ഇൗ പ്രക്രിയ രണ്ട് മുറിയിലുമായി മാറ്റിമാറ്റി നടത്തും. വാദി കബീര്‍ ഇന്ത്യന്‍ സ്കൂള്‍ നേരത്തെ നല്‍കിയ സമയക്രമം പൂര്‍ണമായി മാറ്റിയിട്ടുണ്ട്.
രാവിലെ ഏഴ് മുതല്‍ 11വരെ ഒാഫ് ൈലന്‍ ക്ലാസും ഒരു മണി മുതല്‍ നാല് മണിവരെ ഒാണ്‍ലൈന്‍ ക്ലാസുകളും എന്ന നിലയിലായിരുന്ന വാദി കബീറില്‍ നേരത്തെ ക്ലാസുകള്‍ ഒരുക്കിയിരുന്നത്. ഇൗ സമ്ബ്രദായം വാദി കബീര്‍ സ്കൂള്‍ പൂര്‍ണമായി മാറ്റിയിട്ടുണ്ട്. പത്താം തീയതതി മുതല്‍ പത്ത്, 12 ക്ലാസുകള്‍ക്കാണ് ഒാഫ്ലൈന്‍ ക്ലാസുകള്‍ നടക്കുക. രാവിലെ 7.10 മുതല്‍ 2.15 വരെയാണ് സമയം. ഒാണ്‍ലൈനും ഒാഫ്ലൈനും സംയോജിപ്പിച്ചുകൊണ്ടുള്ള ഹൈബ്രിഡ് ക്ലാസ് രീതിയാണ് ഇവിടെ നടപ്പാക്കുക. ഒമ്ബത്, 11 ക്ലാസുകള്‍ക്കും ഹൈബ്രിഡ് ക്ലാസ് രീതി തന്നെയാണ് വാദി കബീറില്‍ നടക്കുക. അടുത്ത മാസം മൂന്ന് മുതലാണ് ഇൗ ക്ലാസുകള്‍ ആരംഭിക്കുക. ഉച്ചക്ക് 2.15ന് ശേഷം ക്ലാസുകള്‍ ഉണ്ടാവില്ലെന്നും സര്‍ക്കുലറില്‍ പറയുന്നുണ്ട്.
ബാക്കിയുള്ള എല്ലാ ക്ലാസുകള്‍ക്കും വീണ്ടുമൊരു അറിയിപ്പുണ്ടാവുന്നത് വരെ ഒാണ്‍ലൈന്‍ ക്ലാസുകള്‍ തുടരും. കെ.ജി ക്ലാസുകള്‍ക്ക് അടക്കമുള്ളവ നേരിട്ട് നടത്തുമെന്ന് കഴിഞ്ഞ സര്‍ക്കുലറില്‍ പറഞ്ഞിരുന്നു. പുതിയ സര്‍ക്കുലറില്‍ ഒമ്ബത്, പത്ത്, 11, 12 ക്ലാസുകള്‍ മാത്രമാണ് ഒാഫ്ലൈനായി നടത്തുക. ദാര്‍സൈത്ത് ഇന്ത്യന്‍ സ്കൂളില് പത്ത്, 12 ക്ലാസുകളാണ് അടുത്ത ഞായറാഴ്ച മുതല്‍ ആരംഭിക്കുക. ഒമ്ബത്, 11 ക്ലാസുകള്‍ ഇൗ മാസം 24 മുതല്‍ ആരംഭിക്കും.
ഏഴ്, എട്ട് ക്ലാസുകള്‍ അടുത്ത മാസം ഏഴ് മുതലാണ് ആരംഭിക്കുക. ബാക്കിയുള്ളവ എല്ലാം ഒാണ്‍ലൈനായി തുടരും. സീബ്, മൊബേല, ബോഷര്‍ ഇന്ത്യന്‍ സ്കൂളുകളിലും സമാനരീതിയില്‍തന്നെയാണ് ആരംഭിക്കുക.
